Os populares esixen coñecer que trámites e requirimentos de documentación realizou o Ministerio á Deputación de Lugo co obxecto de facerse coa titularidade da parcela, ademais de preguntar cales foron os resultados destas xestións
Os senadores populares preguntan, polo tanto, ao Goberno se ten renunciado a construír o centro de refuxiados no concello de Castro de Rei, rehabilitando para elo as instalacións do antigo hospital San Rafael.
Os populares esixen coñecer que trámites e requirimentos de documentación realizou o Ministerio á Deputación de Lugo, actual propietario, co obxecto de facerse coa titularidade da parcela, ademais de preguntar cales foron os resultados destas xestións.
Os senadores do PP lucense tamén solicitan información sobre se o Goberno requiriu á Deputación de Lugo que se presentase o proxecto de segregación, necesario para a dividir a parcela, xa que actualmente coexisten varios usos diferentes: gandeiros e sociosanitarios; e, de habelo feito, tamén preguntan con que resultados e en que data tivo coñecemento o Goberno da presentación dese proxecto de segregación.
Por último, preguntan ao Ministerio se ten constancia da tramitación dun plan especial de dotacións para poder facer efectivo ese cambio de usos urbanísticos e, de ser así, en que data e con que resultados.