O feito de que os últimos accidentes tiveran lugar fóra do tramo balizado indica que o perigo por néboa é maior e que as medidas de seguridade actuais son insuficientes para a seguridade dos condutores
Lugo, 13 de agosto de 2024. As explicacións dadas polo Goberno en relación coa seguridade no tramo do Fiouco lonxe de resolver dúbidas e ofrecer tranquilidade aos condutores que circulan por ese punto da autovía do Cantábrico (A-8) “déixanos máis preocupados”. Así o aseguran os senadores populares que insisten na necesidade de que o Goberno instale sen máis retraso os novos sistemas antinéboa que xa foron testados.
Afondando nesta idea desde o PP sinalan que o feito de que o Goberno alegue que os últimos accidentes acontecidos tiveron lugar fóra do tramo balizado -isto é, fóra do tramo no que están instaladas as balizas que avisan aos usuarios da proximidade de vehículos para manter a distancia- demostra que as zonas de intensa néboa superan o tramo balizado e, polo tanto, que agora a zona de perigo é moito maior. Por iso, desde o PP conclúen que as medidas instaladas na actualidade son manifestamente insuficientes para garantir a seguridade.
Para o PP tampouco supón un gran alivio o feito de que se reducise de xeito significativo o número de horas de peche da autovía pois sinalan que como demostra os últimos accidentes rexistrados -que segundo a Dirección Xeral de Tráfico afectou a seis e tres vehículos, con feridos graves e leves- o perigo por circular por ese tramo da A-8 persiste, sen que o Goberno faga nada”
Sobre todas estas cuestións terá que responder o Goberno no Senado a instancias dos parlamentarios lucenses, José Manuel Balseiro, José Manuel Barreiro e Juan Serrano.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
Realizouse en dúas sesións, unha teórica e outra práctica. Na práctica contouse coa colaboración dos mestres Eloy Roces, Félix Bargados, Ángel Areas, Francisco Martins e Lino Gómez Feito. Nel actualizou a súa titulación de Xuíz de Tribunal Nacional de Graos o profesor do Club Shitokai Asturias Galicia, Julián Martín. Pola tarde celebrouse o exame de Cinto Negro ata 8º Dan. Os karatekas pertencentes ao Club de Karate de Ribadeo obtiveron os seguintes graos: Miguel Sanz Delgado, Cinto Negro 2º Dan. Janet Villarino Vizoso, Cinto Negro 1º Dan. Ambos coa idade mínima no seu Grao.
O Deputado de Medio Ambiente, Carlos López, participou no encontro, que serviu para perfilar os detalles da XLI edición deste certame, que terá lugar do 4 ao 6 de abril.
