O á-peche brasileiro é a terceira fichaxe da plantilla conformada polo técnico santiagués, David Rial
O xogador de 28 anos móstrase moi contento de vir a Burela, “estaba desexando volver xogar a liga española e cando recibín esta oportunidade, dun club coma Burela, non o pensei dúas veces. Xa coñecía un pouco o club e aos seus afeccionados e xéranme moitas ganas de formar parte deste equipo.” Sobre o que espera achegar e levar do equipo, “Espero achegar lealdade, determinación e moito respecto ao escudo. Son unha persoa que o dá todo na cancha e veño aprender moito dos meus compañeiros, porque o que máis me interesa é non deixar nunca de mellorar en todos os aspectos como deportista e como persoa.” Sobre os seus obxectivos para esta tempada, “Conseguir que Burela volva triunfar manténdose en Primeira e que continúe medrando.” E cara á Familia Laranxa, “A mensaxe é moi sinxela: veño para ser un afeccionado dentro da cancha, pois entrégome ao máximo en cada partido para axudar aos meus compañeiros a triunfar. Sabemos da difícil tempada que nos toca e co voso apoio seremos capaces de conseguilo.”