Carolina Pedreira e Débora Lavrador do Ence Marín Futsal, xunto a Dinha, provinte do Santa Luzia FC- PT, son as tres fichaxes deste verán para o club mariñano
Burela, 9 de agosto, 2024. Carolina Pedreira, Débora Lavrador e Dinha son as tres fichaxes deste verán para reforzar a unha plantilla xa definido e consolidada da pasada tempada e da que se renovaron a 10 xogadoras. As tres xogadoras serán parte fundamental para completar o conxunto para esta tempada 24/25 na que o mellor equipo do mundo volverá tentar lograr todos os títulos posibles.
Carolina Assis Olim Mendoça Pedreira, Carolina Pedreira, de 22 anos e nada en Cascais (Portugal), provén do Ence Marín Futsal, onde xogou durante a tempada 23/24. Carolina comeza a xogar ao fútbol sala aos 3 anos en Quinta dos Lombos (2005-2016/2027) pasando a xogar no Sporting Club de Portugal ata o final da tempada 2022/2023 que ingresa no conxunto galego. Contenta co seu novo destino, “É o mellor equipo do mundo, creo que calquera xogadora soña xogar nun equipo así, onde pode aprender moito e gañar títulos.” Sobre o que espera aprender e achegar ao equipo, “Espero poder ser unha máis a axudar o equipo para gañar, tentar achegar coas miñas cualidades, a visión de xogo, o pase e o un para un. Espero levar como aprendizaxe todo o que o adestrador me diga e todo o que poda aprender con cada xogadora.” Os seus obxectivos para esta próxima tempada, “os meus obxectivos son medrar como xogadora e poder axudar ao equipo, adestrar coas mellores seguramente me fará mellor xogadora. Teño moitas ganas de poder ser unha xogadora importante na plantilla, pero aprender é o meu principal obxectivo pois aínda son moi nova e teño moito que mellorar.” Para a afección, “Espero vervos pronto e sentir o que é a afección Laranxa, teño moitas ganas de empezar e facervos celebrar moito!”
Débora Marisa Fernandes Lavrador, Débora Lavrador, de 28 anos e nada en Lisboa, tamén proviniente do Ence Marín Futsal no que xogou durante a tempada 2023/2024, comeza a dar os seus primeiros pasos no futsal no 2004/2005 no Leões Porto Salvo no que se forma ata a tempada 2014/2015. Na 2015/2016 ficha polo Benfica no que xogará durante dúas tempadas ata ingresar no Sporting Club de Portugal onde xoga ata o 2022/2023 cunha paréntese na tempada 2020/2021 na que formará parte da plantilla do Ameiros. Falamos con Débora sobre o que a fixo vir ao Pescados Rubén Burela FS “é o mellor equipo do mundo. E ter a sorte de poder xogar coas mellores xogadoras é incrible.” Sobre o que espera aportar e levarse como aprendizaxe, “Serei simplemente unha persoa máis para axudar ao equipo en todo o que poda, para que poidamos conseguir todos os nosos obxetivos. Estoy segura de que aprenderéi moito de todos e serei unha mellora xogadora. No que depende de min, sempre farei o mellor que poda.” Sobre os seus obxetivos no equipo para esta tempada, “Os meus obxetivos para esta tempada son, sobre todo, aprender e ser mellor xogadora, traballando sempre duro. Axudando ao equipo, xa sexa con goles, asistencias ou recortes. E como dixe antes, lograr os nosos obxetivos, que implica gañar todas as competicións nas que participemos.” e de cara á afección “Que sigan apoiándonos coma sempre o fixeron. Que necesitamos que nos axuden. Que sempre que xoguemos na casa, incluso cuando xogamos fóra, necesitamos todo o apoio que poidamos conseguir para que xuntos poidamos gañar.”
Claudiane da Silva Paulino, Dinha, de 28 anos e nada en Santa Rita-PB (Brasil), chegará proximamente para debutar en España. Comeza a xogar ao fútbol sala no Unifor-CE na tempada 2015/2016, durante 5 anos ata a 2020/2021 que xogará no São José Futsal Feminino-SP. Na seguinte, 2021/2022 ficha polo Santa Luzia FC-PT do que provén. O á brasileira chegará a Burela nos próximos días con ganas de vivir a súa primeira experiencia en España e fóra do seu país de orixe, “Sempre soñei con xogar no Burela, considéroo un dos mellores equipos de futsal feminino.” Sobre o que espera levar e achegar ao equipo, “Espero contribuír desempeñando a miña función dentro da plantilla da mellor forma posible e axudando ao equipo para conseguir os obxectivos. Achegar coñecementos tácticos e mellorar a calidade de xogo tanto individual como colectivo.” Sobre os seus obxectivos para esta próxima tempada, “Conquistar todos os obxectivos trazados e buscar sempre o mellor para o equipo.” Cara á afección, “Tentarei sempre ofrecer a miña mellor versión en cada partido e sei que conto co voso apoio. Imos xuntos!”
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
Realizouse en dúas sesións, unha teórica e outra práctica. Na práctica contouse coa colaboración dos mestres Eloy Roces, Félix Bargados, Ángel Areas, Francisco Martins e Lino Gómez Feito. Nel actualizou a súa titulación de Xuíz de Tribunal Nacional de Graos o profesor do Club Shitokai Asturias Galicia, Julián Martín. Pola tarde celebrouse o exame de Cinto Negro ata 8º Dan. Os karatekas pertencentes ao Club de Karate de Ribadeo obtiveron os seguintes graos: Miguel Sanz Delgado, Cinto Negro 2º Dan. Janet Villarino Vizoso, Cinto Negro 1º Dan. Ambos coa idade mínima no seu Grao.
