Ribadeo, 12 de agosto de 2024. O equipo de goberno xestionou 1,8 millóns de euros de investimento da Xunta de Galicia en Ribadeo nun ano.
O alcalde, Dani Vega, dixo: “facendo un balance deste ano, o que queremos destacar é que foi un período de traballo, de xestión para investir no noso pobo. Nestes momentos podemos dicir que a Xunta de Galicia investiu en Ribadeo 1,8 millóns de euros. Iso é grazas a unha xestión, grazas a un traballo que desde logo todo o goberno e todo o Concello está conseguindo todos os días”.
O rexedor sinalou que “nosoutros empezabamos este mandato dicindo con claridade que o importante é esa colaboración entre as administracións. Nosoutros témonos que entender coa Deputación, coa Xunta, co Goberno do Estado. Nosoutros non miramos a ideoloxía, senón que o que entendemos é que as administracións teñen a obriga de investir neste caso en Ribadeo. E esa é a miña obriga e a obriga de todo o Concello”.
Vega explicou onde se está a traballar: “por exemplo, na residencia hospital asilo con ese convenio que se firmou fai poucos días de 700.000 euros, ou no centro de día 67.000 euros, ou 80.000 euros para a Escola de Música para renovar as ventás e instalar un ascensor, ou na recuperación dos areais, tamén dos espazos verdes como é O Cargadeiro 70.000 euros, ou en todo o traballo que estamos a facer nos espazos verdes neses puntos importantes en Ribadeo, como pode ser Santa Cruz, cunha colaboración de Seaga da Xunta de Galicia de 20.000 euros, ou nese traballo que estamos a facendo no Plan Avanza Rural, onde estamos investindo, e imos empezar o luns, 19 de agosto, con 315.000 euros en camiños de aglomerado. Tamén na recuperación das fontes que levaban moito tempo abandonadas e querémoslle chamar a ese proxecto Fontes Vivas cunha colaboración económica de 20.000 euros ou 50.000 euros nos arranxos dos camiños que levan anos abandonados e tíñamos que limpalos porque había unha demanda por parte dos veciños”.
Para o alcalde ribadense “son cantidades moi importantes, ou se falamos de todas as actividades de Benestar Social como as de Preto de Ti, cun convenio de 50.000 euros, ou nas actividades que estamos vendo nas parroquias ou na vila, 100.000 euros por parte da Xunta de Galicia, concretamente de Familia, da Dirección Xeral de Xuventude”.
Dani Vega subliñou que “iso é xestionar, iso é traballar, e iso é mellorar o pobo que queremos. Nestes momentos tamén vamos empezar a recuperación do Parque de San Miguel cunha partida orzamentaria de 40.000 euros. Son moitas cifras, suman todas 1,8 millóns de euros, e polo tanto estamos a falar dunha xestión, dun traballo que se vai concretando no día a día, porque se ve nas actividades, vense as obras, é dicir hai un traballo detrás. E aquí non estamos contabilizando a gran obra que se está facendo nestes momentos, que é o dragado de ría, que son 2 millóns de euros. Todo isto é un traballo, é a nosa obriga, é facémolo porque o que queremos é que Ribadeo avance”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
