A Vicepresidencia da Deputación colabora coa Feira do Gando de Cangas de Foz, que se celebra o domingo
Foz, 16 de agosto de 2024. O deputado de Rural, Mar e Mocidade Daniel García participou na presentación da Feira de Gando de Cangas de Foz, que se celebrará o domingo -18 de agosto – na área recreativa dos Castros coa colaboración da Vicepresidencia da Deputación de Lugo.
Os Cabaleiros de Cangas -apoiados pola comunidade de montes de Cangas e polos colectivos culturais e veciñais da parroquia – organizan unha nova edición desta feira que retomaron fai unha década, recuperando o espíritu da antiga feira de gando que se celebraba o terceiro domingo do mes de agosto.
A actividade no recinto feiral comezará ás 10.00 horas, co mercado de venda de gando e unha exposición de maquinaria e artesanía. A organización, que entregará premios para as gandeíras con maior número de cabezas de gando e para os mellores exemplares. programou diferentes actividades para dinamizar a feira e manter o interese de gandeiros e
gandeiras, pero tamén amantes dos animais e visitantes que se acheguen ata a área recreativa ao longo do día.
Durante a mañá ofrécense paseos gratuítos en cabalo e pola tarde -a partir das 16.00 horas- celebraranse concurso de andadura chapeada e serrada , contando con categoría sub 16 para amazonas e xinetes de menos idade.
A organización destacou a boa resposta da veciñanza e das persoas visitantes á recuperación da feira de gando. “Temos competidores que levan vindo ás dez edicións, pero tamén moitos outros que se van incorporando co paso dos anos, o que podemos afirmar é que a maioría repiten”, sinalou Eladio Basanta.
O deputado de Rural Daniel García manifestou o “apoio da Vicepresidencia da Deputación de Lugo a estas feiras que, ademais de dinamizar a venda de gando, xeneran recoñecemento e visibilidade para os gandeiros e gandeiras que crían os animais durante o ano, facendo un traballo fundamental para o coidado dos montes e a conservación das paisaxes tradicionais” e valorou “ a iniciativa do tecido asociativo da parroquia que coa recuperación desta feira reivindican a súa identidade e a súa historia.
O recinto feiral contará con postos de comida – polbo, xamón, churrasco – e animación musical.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
