A Mariña, 16 de xullo, 2024. O ‘Festival Bal y Gay’, referente en España por ofrecer a mellor música clásica do mundo en fermosos escenarios patrimoniais da comarca da Mariña desde 2014, celebrará a súa undécima edición do 8 ao 23 de agosto e xa esgotou as entradas para 8 dos seus 12 concertos: Elias String Quartet, Sergey Kachatryan, Nereydas, Martín García García, Orquestra Sinfónica do Principado de Asturias (OSPA), Katharina Konradi con Cosmos Quartet, Cosmos Quartet e Orquestra Sinfónica de Galicia. Por tanto, aínda quedan entradas á venda para os 4 concertos que completan a programación: Nereydas o día 10 de agosto na Igrexa de San Francisco de Viveiro, Musica Ficta o día 14 na Igrexa de Santiago de Foz, Ruth Iniesta xunto a Javier Carmena o día 16 no Auditorio da Casa da Cultura de Burela e André Cebrián con Pedro Mateo González o día 21 no Auditorio da Casa da Cultura de San Cibrao en Cervo. Os prezos oscilan entre os 16 e os 20 euros, alcanzables para poder gozar nestes catro casos de prestixiosos artistas españois con repercusión internacional.
LOCALIDADES AÍNDA DISPOÑIBLES PARA NEREYDAS, MUSICA FICTA OU RUTH INIESTA
O prolífico director toledano Javier Ulises Illán e Nereydas, grupo instrumental e vogal de referencia en España na divulgación do patrimonio musical historicista, esgotou as entradas para o seu concerto do día 11 no Auditorio Municipal Hernán Naval de Ribadeo, pero aínda hai localidades dispoñibles para o día 10 na Igrexa de San Francisco de Viveiro (20:30). Entregarán un programa composto por obras de Haendel e Vivaldi. Esta agrupación innovadora e orixinal desde 2010 presentouse en escenarios tan relevantes como o Teatro Real ou o Festival de Versalles (Francia).
Musica Ficta, un dos grupos españois renovadores na interpretación da música antiga desde 1992, actuará o 14 de agosto na Igrexa de Santiago de Foz (21:00) para interpretar o seu proxecto ‘Columbus: A Porta do Novo Mundo’. Obras virreinales dos séculos XVI e XVII a cargo da formación dirixida polo percusionista Raúl Mallavibarrena, cuxa traxectoria internacional está encomiada por múltiples presenzas en países de Europa, Asia e América.
A soprano Ruth Iniesta, unha das voces máis relevantes da lírica española e recente Premio Talía 2024 á Mellor Intérprete Feminina de Lírica, formará parte do cartel do ‘XI Festival Bal y Gay’ co seu recital do 16 de agosto no Auditorio da Casa da Cultura de Burela (20:30) xunto ao pianista madrileño Javier Carmena. Habitual nos grandes teatros internacionais, a cantante aragonesa expoñerá un repertorio moi español cunha selección de tonadillas e zarzuelas.
O dúo formado por André Cebrián e Pedro Mateo González acudirá o 21 de agosto ao Auditorio da Casa da Cultura de San Cibrao en Cervo (20:30) con obras de Castenuovo-Tedesco, Brouwer, Gasull, Takemitsu e Piazzolla. Cebrián, flautista santiagués solista da Scottish Chamber Orchestra e integrante de Azar Ensemble, e González, guitarrista abulense con dilatada experiencia internacional, iniciaron este proxecto conxunto en 2015.
O FESTIVAL, UN REFERENTE DA MÚSICA CLÁSICA EN ESPAÑA POLO SEU MODELO ÚNICO
Uns cursos de clarinete en Nos -parroquia de Foz con menos de 500 habitantes- foron o xerme do ‘Festival Bal y Gay’, actual referente da música clásica en España que converteu á Mariña en epicentro nacional con concertos de calidade exquisita, equiparables aos de calquera sala internacional, en escenarios únicos para un público que esgota as entradas. A música comparte protagonismo coa historia, o patrimonio, a paisaxe ou a gastronomía da Mariña, destino cultural agora de referencia en Galicia e en España con esta ‘experiencia 360’. O festival nace en 2014 como iniciativa da Asociación Xesús Bal y Gay, agora Fundación Xesús Bal y Gay, para facer accesible a música clásica a todos os públicos, democratizando e descentralizando a cultura.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
