Riotorto, 3 de xullo, 2024. Riotorto celebra esta fin de semana a festa do San Cristóbal coa tradicional bendición de vehículos na Praza das Rodrigas, que cada ano convoca a centenares de condutores e condutoras de toda a provincia.
O desfile de camións, turismos e motocicletas en busca de protección e seguridade nas estradas, dá continuidade a un rito popular que se mantén desde comezos dos anos sesenta, cando a iniciaron un grupo de chóferes do municipio.
A consagración de vehículos será o sábado –6 de xullo- tras a misa e a procesión, que se celebrarán a partir das 13.30 horas. Ademais de manter esta tradición, a Comisión de Festas apostou nesta ocasión por darlle un impulso á festa con dous días de verbena. O prato forte será a actuación da orquestra Panorama, o venres -5 de xullo – na explanada a carón do colexio e da piscina municipal.
Os membros da Comisión – Iván Castañal González, Generoso Cortón Moirón, Manuel Méndez Moirón, Pablo Pumar Alonso e Iago Fiallega Salgado- agardan que a presenza da orquestra de moda, que arrastra seguidoras e seguidores de toda Galicia, traia a Riotorto moita xente, e especialmente, público mozo.
A contratación da Panorama é un reto para un concello con pouca poboación e un
orzamento normalmente modesto para a celebración das festas que os membros da
Comisión lograron cumprir tras máis de dous anos de traballo, recadando fondos noutras
citas festivas e deportivas e coa organización de comidas populares.
A Comisión agradece a colaboración das veciñas e veciños e dos preto 50 negocios do
concello e tamén dos arredores que contribuíron ao financiamento da festa.
PROGRAMA
Venres 5 de xullo
22.00 horas. Cea popular no pavillón polideportivo (Tickets dispoñibles nos establecementos de Riotorto ata mércores 3)
23. 30 Verbena, coa actuacións de DJ Pedro Muñoz e da orquestra Panorama
Sábado 6 de xullo
13.30 horas. Misa, procesión e bendición de vehículos na Praza das Rodrigas. A
continuación, sesión vermú co Dúo Belinda
19.30 horas. Actuación da charanga Eravisto, coa colaboración da área de Cultura da
Vicepresidencia da Deputación de Lugo.
23.30 Verbena, co Dúo Belinda e a orquestra Principal.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
Realizouse en dúas sesións, unha teórica e outra práctica. Na práctica contouse coa colaboración dos mestres Eloy Roces, Félix Bargados, Ángel Areas, Francisco Martins e Lino Gómez Feito. Nel actualizou a súa titulación de Xuíz de Tribunal Nacional de Graos o profesor do Club Shitokai Asturias Galicia, Julián Martín. Pola tarde celebrouse o exame de Cinto Negro ata 8º Dan. Os karatekas pertencentes ao Club de Karate de Ribadeo obtiveron os seguintes graos: Miguel Sanz Delgado, Cinto Negro 2º Dan. Janet Villarino Vizoso, Cinto Negro 1º Dan. Ambos coa idade mínima no seu Grao.
O Deputado de Medio Ambiente, Carlos López, participou no encontro, que serviu para perfilar os detalles da XLI edición deste certame, que terá lugar do 4 ao 6 de abril.
