César Mogo afirma que as iniciativas que presentan os populares na Cámara Alta “son só de cara á galería co exclusivo propósito de buscar un espazo nos medios de comunicación, pero que permanecen inéditas e non son debatidas no Senado”
Lugo, 30 de xullo de 2024. Os socialistas da provincia de Lugo pídenlle aos populares que se deixen de “tanto conto” e se poñan a traballar polos veciños e veciñas no Senado. O Senador por Lugo, César Mogo, ironiza sobre o libro que vén de presentar o PP co que “pretenden render contas cando non é máis que a historia dunha estafa parlamentaria dos populares en Lugo, en realidade non deixa de ser un libro con follas en branco”.
“O PP segue embarcado na súa estratexia contra a obra pública que está realizando o Goberno de Pedro Sánchez. Só lles interesa ocultar as grandes obras que se están a levar a cabo ou as que iniciou o actual Goberno, como o tren a Ourense, ou as obras que reanudou tras a parálise do Goberno do PP, como a A54 ou a estación Intermodal, e desviar a atención sobre as moitas débedas da Xunta coa provincia”, indica Mogo.
O Senador socialista afirma que as iniciativas que presentan os populares na Cámara Alta “son só de cara á galería co exclusivo propósito de buscar un espazo nos medios de comunicación, pero que permanecen inéditas e non son debatidas no Senado”. Mogo exemplifica que en 8 meses de actividade non debateron nin na Comisión de Transportes nin no Pleno do Senado ningunha que se refira a Lugo sobre a rede viaria de autovías e estradas que tanto din preocuparlles. Preséntanas para os medios de comunicación e unha vez rematadas as roldas de prensa, nin rastro dos senadores do PP”.
Así mesmo, lembra que a única iniciativa debatida e aprobada no Senado sobre estradas e ferrocarril foi a do Senador socialista pola provincia pola que se insta ao Goberno a manter o esforzo investidor durante os próximos anos en Lugo. “É dicir, a seguir destinando importantes recursos para estradas, autovías e ferrocarril no noso territorio”, reafirma César Mogo.
Mogo tamén lamenta que os senadores do PP lucense non interviran cando compareceu no Senado o Ministro de Transportes no Senado, malia “o moito que se queixan del, incluso anunciaron que o obrigarían a comparecer, pero nin rastro deles”.
“Este exercicio de pedir de todo ao mesmo tempo e sen reparar en gastos para despois desentenderse e non debater nada, se cadra o fan para a gloria da señora Candia, empeñada na confrontación total con todos os gobernos que non sexan os do PP e en aberta contradición coa cooperación ofrecida nos seus recentes encontros polo presidente da Xunta”, afirma o socialista. Nese sentido, indica, “cabe preguntarse, a quen serven os senadores de Lugo, ao PP de Rueda ou ao PP de Candia? Ás dúas persoas ao tempo polo que se ve non é posible”.
Mogo apunta que “chama a atención que non se deteran nin un momento en explicarnos aos veciños e veciñas desta provincia por que os senadores do PP de Lugo impediron co seu voto que no Senado se fale galego, tal e como sucede no Congreso. Na cámara que representa aos territorios e aos que falamos en galego impídesenos facelo grazas, entre outros, aos votos dos senadores lucenses”, lamenta o socialista. “Non se entende moi ben por que os deputados do PP por Lugo son discriminados polo seu partido e non participan desta presentación editorial. En todo caso, o libro do que fai a dereita por Lugo ten as follas en branco”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
