Os senadores populares por Lugo formularán unha pregunta ao Goberno de España para saber se ten previsto realizar este novo acceso e, no caso de ser así, que prazos e investimento contempla
Lugo, 18 de xullo de 2024. Os senadores do PP pola provincia de Lugo -José Manuel Barreiro, José Manuel Balseiro e Juan Serrano- interésanse na Cámara Alta polo “segundo acceso a Ribadeo dende a autovía A-8, unha demanda recorrente dos veciños de Ribadeo e de toda a zona e que lidera o alcalde ribadense, Dani Vega”.
Concretamente, os representantes no Senado formularon unha pregunta ao Goberno de España para saber se compromete a executar esta reclamación dos ribadenses e da veciñanza dos concellos da zona; e, nese caso, saber cales son os prazos e o investimento previsto.
Os senadores subliñan que Ribadeo constitúe “unha entrada a Galicia” e, ademais, é un dos concellos máis puxantes na comarca e na provincia” polo que “agardamos que o Goberno sexa receptivo”.
Os populares explican que, na actualidade, “só hai un acceso” a Ribadeo dende a A-8 cando se circula cara Ribadeo en sentido Asturias” e inciden en que “executar un segundo acceso ofrece múltiples beneficios a curto e longo prazo en termos de mobilidade, seguridade e desenvolvemento económico que xustificarían este investimento” porque “melloraría a seguridade viaria e favorecería unha mellor redistribución do tráfico -tamén no caso de obras, accidentes ou imprevistos-.
Ademais apuntan que “non sería, a priori, dunha obra de complexa execución técnica” pois xa existe unha rotonda de conexión. O novo acceso melloraría notablemente a comunicación viaria, facilitando a comunicación das diferentes áreas, beneficiando aos residentes e negocios”.
UNHA REIVINDICACIÓN DE TÓDOLOS GRUPOS
O alcalde, Dani Vega, explica que “nos preocupa moitísimo o segundo acceso á A-8 e tamén o acceso dende a estrada de Vilela á variante” e sinala que “as infraestruturas son vitais para Ribadeo dende o punto de vista da mobilidade e do impulso económico e turístico da nosa vila”.
O rexedor popular apunta que “esta reivindicación non é nova, leva falándose desde hai moito tempo”. De feito, “o segundo acceso xa foi demandado por anteriores gobernos municipais e apoiada por tódolos grupos do pleno: o Partido Popular, o BNG e o PSOE”.
“Agardamos que, desta vez, nos fagan caso; igual que con outras reivindicacións que estamos a levar ás distintas cámaras”. Os populares tamén demandarán dende o Congreso que o Goberno rebaixe o prezo das parcelas do polígono industrial de Ribadeo porque “é fundamental para que o parque empresarial sexa un polo atractivo á inversión”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
