O portavoz, Antonio Ameijide, sinala que “o abastecemento de auga é un dos problemas aos que se teñen que enfrontar os Concellos na actualidade e, previsiblemente, nos vindeiros anos”
Lugo, 26 de xullo de 2024. O Grupo Provincial do Partido Popular propón que a Deputación de Lugo desenvolva un plan de apoio aos Concellos da provincia para a xestión do ciclo da auga. Para iso, piden ao PSOE e ao BNG que apoien esta proposta que pretende “cooperar cos Concellos e beneficiar a tódolos lucenses garantindo o abastecemento de auga de calidade e o correcto tratamento de augas residuais”.
O portavoz, Antonio Ameijide, sinala que “o abastecemento de auga é un dos problemas aos que se teñen que enfrontar os Concellos na actualidade e, previsiblemente, nos vindeiros anos”. Así mesmo, subliña que, “como levamos moito tempo dicindo dende o Partido Popular: a auga é cada vez un ben máis escaso e por iso temos que usalo de forma responsable”.
A escaseza de auga, a renovación e modernización das infraestruturas hidráulicas ou as esixencias normativas en materia de control de calidade e en relación á xestión das augas residuais son algúns dos aspectos que deben atender dende os Concellos e que requiren importantes recursos técnicos e económicos. De feito, “ter que garantir e manter tanto a captación, coma o abastecemento e, incluso, o tratamento tanto da auga dirixida ao consumo humano e animal coma das augas residuais supón un importante esforzo para as arcas municipais.
É por iso polo que os populares cren que “as distintas administracións se deben implicar na xestión do ciclo da auga: os Concellos, a Xunta que xa o está a facer e as deputacións provinciais. Pero no caso da Deputación de Lugo pasa olimpicamente de implicarse” a pesar de que, por lei, “ten a responsabilidade de axudar aos Concellos máis pequenos”.
De feito, segundo o artigo 36.1 da Lei Reguladora das Bases do Réxime Local é competencia propia da Deputación coordinar servizos municipais para garantir a prestación integral e na totalidade do territorio provincial os servizos de competencia municipal e a asistencia e cooperación xurídica, económica e técnica aos municipios, especialmente os de menor capacidade económica e de xestión. E, de forma máis concreta, o artigo 26.2.b) sinala que nos municipios con poboación inferior a 20.000 habitantes será a Deputación Provincial a que coordinará os servizos de abastecemento de auga potable a domicilio e evacuación e tratamento de augas residuais.
Ameijide engade que “mentres que a Deputación Provincial de Ourense cumpriu coa súa obriga de colaborar cos Concellos ao impulsar unha solicitude conxunta á primeira convocatoria de subvencións para proxectos de mellora da eficiencia do ciclo d auga no marco das axudas do PERTE para a dixitalización do ciclo da auga da que resultaron beneficiados 79 Concellos ourensáns, a Deputación de Lugo puido ter organizado tamén unha estratexia conxunta e asesorar aos 67 Concellos da provincia, pero non o fixo”. A práctica totalidade dos Concellos da provincia de Lugo -excepto dous- quedaron fóra destas axudas.
PROPOSTA DO PARTIDO POPULAR
A proposta do Partido Popular inclúe asesoramento técnico, coordinación para impulsar de forma conxunta -naqueles casos que así o desexen- proxectos para presentar ás convocatorias de axudas para a mellora do ciclo da auga, apoio económico a tódolos Concellos para investimentos en obras destinadas ao abastecemento, saneamento e mellora do ciclo da auga cunha partida nos orzamentos da Deputación de Lugo de, polo menos, 3 millóns de euros ao ano e unha mesa de coordinación integrada por persoal técnico, representantes dos distintos grupos da corporación provincial e os alcaldes ou representantes municipais en quen deleguen.
SEMANAS SEN AUGA DA TRAÍDA O VERÁN PASADO EN FOZ
O portavoz sinala que o verán pasado Foz pasou semanas sen auga da traída municipal cos conseguintes prexuízos causados aos veciños e aos locais de hostalería en plena temporada alta.
Naquel momento xa pediamos que a Deputación de Lugo se implicase cos Concellos que teñen problemas co abastecemento de auga potable; pero un ano despois “nin o Concello nin a Deputación fixeron nada”.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
