Os populares defenderán que a Deputación poña en marcha un plan de apoio aos concellos para a xestión do ciclo da auga xa que “o abastecemento é un dos problemas aos que se teñen que enfrontar os concellos na actualidade e xa vimos como nos últimos anos houbo problemas neste senso, sendo a colaboración entre administracións fundamental para atopar solucións”
Lugo, 29 de xullo de 2024. Os deputados do Grupo Provincial Popular defenderán no pleno de mañá varias iniciativas encamiñadas a “garantir a igualdade de oportunidades” entre todos os lucenses xa que “as decisións de PSOE e BNG, tanto en Lugo como en Madrid provocaron que os veciños da provincia non teñan as mesmas oportunidades”.
Os deputados populares propoñen que a Deputación de Lugo desenvolva un plan de apoio aos concellos para a xestión do ciclo da auga, algo para o que PSOE e BNG deben de “cooperar dende o goberno provincial cos municipios e beneficiar a tódolos lucenses garantindo o abastecemento de auga de calidade e o correcto tratamento de augas residuais”.
O certo é que “nos últimos anos vimos como comezan a darse problemas co abastecemento de auga, unha dificultade enorme para os concellos polo que a colaboración entre administracións é fundamental para poder atopar solucións a este problema”.
A escaseza de auga, a renovación e modernización das infraestruturas hidráulicas ou as esixencias normativas en materia de control de calidade e en relación á xestión das augas residuais son algúns dos aspectos que deben atender dende os concellos e que requiren importantes recursos técnicos e económicos pero “en moitas ocasións non teñen nin os recursos materiais, económicos nin persoais para poder afrontar este problema”.
IGUALDADE DE OPORTUNIDADES
Os deputados do Grupo Provincial Popular tamén defenderán unha iniciativa para que a corporación provincial se pronuncie e esixa ao Goberno de Pedro Sánchez un trato “igualitario para todos os españois, rexeitando privilexiar a unhas comunidades fronte a outras”.
Os populares explican que as decisións do PSOE en Madrid, avalados polo BNG, “de privilexiar” a Cataluña por enriba das 16 comunidades restantes “afectan directamente aos lucenses polo que é necesario reafirmar o compromiso co principio de igualdade entre todos os españois recollido na Constitución”.
ROGOS E PREGUNTAS
Dende o Grupo Provincial Popular tamén se pedirá que a Deputación axilice os desbroces das estradas provinciais xa que “case no mes de xullo van moi atrasados e hai moitos municipios nos que aínda non se comezaron estes traballos”, así como se defenderá outro rogo para que o goberno provincial esixa a Adif o arranxo das estradas provinciais máis afectadas polas obras na vía ferroviaria que se están a realizar nos municipios de Sober e Pantón.
Os populares tamén preguntarán polos motivos que ten o goberno provincial para manter pechado aos lucenses o aparcadoiro de Santa María así como se PSOE e BNG apoiarán o proxecto de Altri no caso de que cumpra con todas as esixencias legais e medio ambientais.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
