Os concelleiros do PP cren preciso aclarar os novos cambios na rúa da Pravia, valorar o novo estudo de mobilidade, as novas zonas de aparcamento, establecer estratexias para os días nos que se celebren eventos e desenvolver un plan de sinalización no casco urbano
Vilalba, 29 de xullo de 2024. O Grupo Municipal Popular de Vilalba pedirá no próximo pleno a creación dunha comisión informativa sobre asuntos competentes ás áreas de mobilidade e urbanismo na que estean representados os catro partidos da corporación local “para debater asuntos relacionados con estas áreas que nos trasladan os veciños e veciñas, especialmente os relacionados co tráfico urbano ante os últimos anuncios de cambios no sentido da circulación da rúa da Pravia ou as novas zonas de aparcamentos con zona azul”.
Concretamente, os concelleiros do PP cren que é preciso aclarar os novos cambios que afectan á rúa da Pravia -prazos e obras necesarias para o cambio de sentido da mesma-, valorar o novo estudo de mobilidade en comparación co anteriormente redactado, valoración os cambios no novo regulamento de tráfico dos aparcamentos con zona azul, así como os aparcamentos na zona da Praza de Santa María e a súa contorna, establecer estratexias para xestionar o tráfico urbano nos días que se realicen eventos na praza de Santa María ou na rúa da Pravia e desenvolver un programa de sinalización urbana nas entradas e saídas do casco urbano e da situación dos aparcadoiros públicos, entre outros temas.
Os populares entenden que “os cambios e melloras na área de mobilidade e urbanismo marcarán o futuro do Concello” e, polo tanto, “consideramos de vital importancia a planificación dunha estratexia global que marque a intervención e modificación urbana para os próximos anos e na que se mostre a colaboración entre distintas áreas como o sector comercio, o industrial ou o turismo”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
