A subida da contribución será do 60% e a do imposto de vehículos de tracción mecánica increméntase nun 50%
A Fonsagrada, 31 de xullo de 2024. O PP da Fonsagrada advirte que “o goberno local non é capaz de xestionar os recursos existentes e trata de recadar máis a través de taxas e impostos aos veciños e veciñas”.
O portavoz popular, Bernardo Niño, condena que “sexan os fonsagradinos os que rematen pagando as consecuencias da falta de control e da mala xestión económica do goberno local do PSOE”.
Niño explica que “solo en 3 subvencións perdidas por non ter presentadas as contas a tempo, o Concello deixou de percibir máis de 180.000 euros este ano”. Isto é debido, segundo o popular, “á desidia do goberno local”.
Así mesmo, o popular lembra que “o Concello nin sequera se presentou a un xuízo como parte demandada, polo que o xulgado fallou a favor do demandante”. É dicir, “pola falta de acción do goberno local, as arcas municipais teñen que facerse cargo das costas procesais e dunha indemnización de máis de 50.000 euros a un traballador por despido improcedente”.
“O goberno local non xestiona os recursos municipais e recorre á suba de taxas e impostos para aumentar a recadación”, incide. De feito, no último pleno, “a corporación aprobou cos votos a favor do PSOE e en contra dos concelleiros do Partido Popular as modificacións de varias ordenanzas fiscais reguladoras do Imposto sobre Bens Inmobles (IBI) ou contribución -que sobre un 60%-, o imposto de vehículos de tracción mecánica -que sobe un 50%-, o Imposto sobre Actividades Económicas (IAE) e o Imposto sobre Construcións, Instalacións e Obras (ICIO).
Ademais, Bernardo Niño lembra que “a subida de impostos ou a non bonificación de impostos a determinadas actividades prexudica tamén o desenvolvemento económico e empresarial no noso municipio”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
