A portavoz, Mariña Gueimunde, explica que “esta non é unha festa calquera: moita xente coñece Viveiro por Naseiro ou a Semana Santa, ambas de Interese Turístico Nacional” polo que “o goberno local debería velar por manter a súa continuidade ano tras ano”
Viveiro, 4 de xullo de 2024. A portavoz do PP de Viveiro, Mariña Gueimunde, censura que “os grupos do goberno municipal, PSOE e BNG, voten en contra de que o Concello colabore para garantir a celebración da Romaría do Naseiro -ou Romaxe do Bo Xantar-” tendo en conta que “é unha festa que conta coa declaración de Interese Turístico Nacional dende 1967”. É por iso polo que cre “o goberno local debería velar por manter a súa continuidade ano tras ano”.
Pero, “lonxe diso, poñen todo tipo de escusas e agora tamén votan en contra dunha iniciativa do grupo de XViveiro no pleno deste mércores para dar explicacións sobre a celebración das festas populares e que recollía unha aportación dos concelleiros do PP para que o Concello tramite os permisos sectoriais necesarios para a celebración da Romaría do Naseiro”. A pesar dos votos en contra de socialistas e nacionalistas, a iniciativa saíu adiante cos votos a favor dos concelleiros do Partido Popular e XViveiro ante “un goberno en minoría”.
A portavoz do PP explica que “o Concello é o encargado de pagar os plans de autoprotección e, polo tanto, tamén debería tramitar directamente os permisos” o que “facilitaría parte do traballo ao que se teñen que enfrontar as comisións que organizan esta festa ano tras ano” e “que, quen queira, se poda facer cargo da comisión do Naseiro”.
A popular engade que “non sabemos se terá algo que ver que as facturas do plan de seguridade e saúde e o proxecto e dirección de obra da enerxía eléctrica do 2023 están sen pagar. A alcaldesa di que non conta con 7.000 euros porque non ten consignación orzamentaria pero si ten para gastar 4.500 en caramelos”, subliñan.
Gueimunde incide en que “a Festa de Naseiro non é unha festa calquera. É unha festa tradicional, popular e moi coñecida. Moita xente e moitos turistas coñecen Viveiro por Naseiro ou pola Semana Santa, ambas declaradas de Interese Turístico, Nacional a primeira e Internacional a segunda”.
Pero, “a PSOE e BNG non lles importa que se deixe de celebrar”. É máis, “non queren Naseiro” á vista de que “a alcaldesa non quere responsabilidades e a tenente de alcaldesa prefire evitar o problema de que esta festa xera moito lixo e supón máis traballo”.
NON HAI APOIO DO CONCELLO
Os populares cren que “se o goberno local garantise o seu apoio, facilitaría que houbera persoas que quixeran organizar a festa”; pero “é comprensible a dificultade para conformar unha comisión” á vista de que “o goberno municipal se lava as mans e incluso puxo en perigo outras citas consolidadas”, indican.
“A poucas semanas da súa celebración quedamos a expensas de que calquera particular ou grupo que leve Naseiro e Viveiro no corazón tome a iniciativa e conforme unha comisión que chegue a tramitar, nun prazo récord, os permisos e organice a romaría que nos permita volver a disfrutar do Naseiro; unha vez que xa confirmamos que o Concello rexeitou o seu apoio descargando a responsabilidade sobre terceiros”, conclúe.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
