Os concelleiros populares trasladaban esta petición ao último pleno, pero “o alcalde negouse a pesar de que seguen chegando alegacións e reclamacións fóra de prazo de veciños que non tiveron coñecemento ou tempo para formulalas previamente”
Xermade, 26 de xullo de 2024. O PP de Xermade reivindica unha “revisión máis minuciosa” do inventario de camiños municipais ante as numerosas alegacións presentadas, escaso tempo para o seu estudo e o descoñecemento do seu contido por parte de moitos veciños e propietarios”. Ademais, advirten que presenta “numerosos erros e inexactitudes: camiños mellorados con fondos públicos que non foron incluídos, catalogados como públicos camiños antigos de paso, omisión de camiños nos límites con outros municipios ou ubicación e nomes de lugares incorrectos”.
Os concelleiros populares xa pedían no momento de abrir o prazo de alegacións ao inventario de camiños municipais que o goberno local facilitase máis información e tamén propuxeron no último pleno abrir outro prazo de alegacións e expoñer o documento e os mapas en cada parroquia; pero “o alcalde negouse a pesar de que seguen chegando alegacións e reclamacións fóra de prazo -rematou a finais de xuño- porque os veciños e veciñas non tiveron coñecemento ou tempo para formulalas previamente”.
“O rexedor socialista nin sequera se preocupou por alegar nos casos nos que segundo o inventario son camiños públicos, pero sobre o terreo están plantados a eucaliptos”, explica Riveira. Así, tamén se negou a incorporase ao documento as alegacións que se están presentando fóra de prazo e restou importancia aos erros porque, segundo o alcalde, “é un documento aberto que se pode modificar cada ano”.
O documento foi aprobado inicialmente polo Pleno o 13 de maio cos votos a favor do PSOE e en contra do PP “por non consultar cos veciños afectados”. Os populares advirten que “no inventario aprobado de forma inicial existen erros e inexactitudes, ademais de numerosos camiños que non cumpren cos criterios indicados polo alcalde para considerarse camiño público como que comecen e rematen nun camiño, lugar ou servizo público. Algúns rematan en fincas privadas e hai casos nos que se reflicten dúas opcións: camiño antigo de paso e camiño novo con actuación municipal”.
Ademais, critican que “se empregara como base o Catastro que data de 1956, un rexistro administrativo creado para servir de base impoñible de tributos; en lugar de calquera outro acordo documentado ou, incluso, o inventario de bens e balances municipais no que se recolle información sobre os camiños nos que actuou o Concello e, polo tanto, se entende que son da súa titularidade”.
O ALCALDE EVITA VOTAR A FAVOR OU EN CONTRA
Antonio Riveira tamén manifestou a súa condena ao feito de que “o alcalde, coa convocatoria do pleno, cambiou a nosa iniciativa dunha moción a un rogo” porque implica que “non se vota” e, polo tanto, “o equipo de goberno non se posicionou nin a favor nin en contra”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
