Alfonso Villares e a directora xeral de FP visitaron as instalacións do centro do que sairá a primeira promoción de acuicultores galegos
Cervo, 5 de xullo de 2024. O IES Marqués de Sargadelos de San Cibrao convértese no primeiro instituto de Galicia en impartir o vindeiro curso (2024-2025) un ciclo medio de cultivos acuícolas dentro da nova Formación Profesional Dual Intensiva. Será grazas á colaboración entre as Consellerías do Mar e de Educación, segundo destacaron o titular autonómico Alfonso Villares, e a directora xeral de FP, Eugenia Pérez Fernández, durante a visita que realizaron este venres ao centro. Os responsables autonómicos estiveron acompañados da xefa territorial de Mar Celeiro-Lugo, Mariña Gueimunde, a alcaldesa de Cervo, Dolores García, o alcalde de Xove, Demetrio Salgueiro, e do director do centro educativo, Mario Martínez Maneiro.
A localidade luguesa ofrece así este ciclo que permitirá que do IES mariñao saia a primeira promoción de acuicultores galegos, e que só estaba dispoñible no Instituto Galego de Formación en Acuicultura (IGAFA), situado na localidade pontevedresa de A Illa de Arousa. Para elo, conta co impulso de dúas piscifactorías da comarca: Acuidoro, de Cervo, que é propiedade de Stolt Sea Farm; e Insuiña, de Xove, que depende de Nueva Pescanova.
En total, o centro oferta 22 prazas e os requisitos serán similares aos dun ciclo medio ordinario. Parte da formación impartirase no CIMA de Ribadeo, onde haberá módulos específicos de criadeiro de moluscos e crustáceos. Terá unha duración de 2.100 horas totais, que se distribuirán en dous cursos, e as prácticas serán remuneradas.
Resposta á demanda empresarial
Deste xeito, a administración autonómica, ademais da oferta formativa, dá resposta a outro dos obxectivos que demandan as empresas, que é poder contratar a persoal debidamente formado e cualificado. Por tanto, os alumnos, ademais de aprender un oficio cun futuro prometedor en Galicia, obterán un título de formación profesional que os acreditará para desempeñar o labor no tecido empresarial vinculado ao sector.
Neste senso, Villares destacou a aposta do Goberno galego pola acuicultura, sector ao que en 2024 a Xunta destina máis de 20 millóns de euros, duplicando así a contía do pasado exercicio, cifrado en 10,9 millóns. Trátase de impulsar esta actividade que en 2023 produciu un total de 109.407 toneladas por valor de 232,6 millóns de euros.
A FP, en Galicia
Este centro, que conta cuns 165 alumnos e máis de 30 profesores, oferta tamén un Ciclo Superior de FP Dual de Química Orgánica e un de FP Básica de Informática de Oficina. A Formación Profesional en Galicia ten máis de 1.700 grupos e máis de 46.700 prazas de novo ingreso.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
