Foz, 11 de xullo de 2024. O alcalde de Foz, Fran Cajoto, pídelle ao Partido Popular que respecte o traballo dos funcionarios municipais. “A falsidade nas informacións vertidas á prensa está fóra de todo límite. Pedímoslle ao señor Castiñeira que se non quere seguir sendo concelleiro nin preocuparse polo pobo que o deixe, para que o Partido Popular volva á normalidade política”, manifesta o rexedor municipal.
Fran Cajoto engade que “non vale todo en política. Os intereses particulares ou dun partido político non están por encima do interese xeral. Pídolle ao Partido Popular que volva á normalidade: o que non imos facer en ningún caso é prevaricar. Agardaba unha oposición propositiva, de altura. A herdanza que nos deixou o señor Castiñeira solicitando no ano 2017 á Xunta a xestión da residencia, asegurando que o custo para o Concello ía ser de cero euros, é envelenada. Pero a desfachatez de criticar a quen intenta solucionar a maraña administrativa que nos deixou pasa todo límite”.
O alcalde de Foz explica que “o 18 de maio do ano 2023 o Partido Popular aproba en pleno, xunto ao resto da corporación, o estudio de viabilidade para o novo contrato de xestión da residencia, no que se establecen os prezos do servizo. Hoxe, 11 de xullo de 2024, critica e intenta torpedear a finalización do proceso de contratación que iniciamos nese pleno e ademais pretende que prevariquemos, paralizando o proceso de contratación. Isto é demencial”.
“Todos os documentos están publicados desde o minuto inicial na plataforma de contratación do Estado, dispoñibles para calquera persoa interesada, con transparencia plena e seguindo de forma escrupulosa os procedementos administrativos. Debería respectarse o traballo dos funcionarios municipais. Chégase a criticar a data dun pleno ou que un xurídico sexa capaz de facer unha valoración en 18 horas e media, non en minutos. Sexamos serios por unha vez”, destaca o alcalde.
Fran Cajoto explica tamén: “o 7 de xuño, hai máis de un mes, remitimos á conselleira de Política Social un escrito solicitando unha reunión, escrito do que non tivemos resposta. Volvemos a unha situación de bloqueo administrativo. O PP non quere que a residencia a xestione a Xunta, non quere que o Concello cumpra os compromisos que asumiu Castiñeira no 2017 e tampouco quere rematar unha contratación da que votaron a favor en maio do 2023. O que quere o Concello é axudar a aqueles usuarios que non podan costear o servizo para que ninguén se vexa fóra da residencia por non ter recursos suficientes. Somos sensibles coa situación, por iso ampliamos a contía das axudas de emerxencia social a 270.000 euros, sufragadas integramente por fondos municipais, de todos os veciños do noso concello”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
