Ribadeo, 5 de xullo, 2024. Rematou o curso coa visita de Mily, filla do prezado escultor Eduardo Rodríguez Osorio, que foi profesor do Instituto Laboral dende a súa creación en 1955 ata 1963.
A visita comezou contemplando o busto que fixo de Carlos María Rodríguez de Valcárcel, promotor do centro dende o seu cargo de ‘Director General de Enseñanzas Téncicas’, que preside o hall do instituto no que tamén se expón outro do oculista José Ramón Muiña doado pola familia de Leandro Alonso Ron.
A continuación, Roberto Rodríguez que foi alumno e profesor do centro, coa súa memoria prodixiosa foi explicando con paixón como era a vida docente en tempos de Osorio apoiándose nas fotos antigas que lle axudaron a recuperar a Alfonso Piñeiro para convertelas en memoria visual da historia do Instituto. Destacou a importancia do Paraninfo no que ilustres conferenciantes como Dámaso Alonso, Gerardo Diego, Álvaro Cunqueiro e Antonio Fernández Cid entre outros, participaron en magníficos actos culturais. Xa na aula do segundo andar onde impartía debuxo o profesor Osorio, apreciouse a exposición do seu amigo Amando Suárez Couto, e desfrutaron no despacho de Dirección coa lectura dun “Libro da Jornada” no que se reflicte a etapa do artista e profesor en Ribadeo.
En definitiva, un día intenso e emotivo co que se completou a recente visita á Casa do Óptico, que tanta historia educativa recolle nos últimos 70 anos. Despois de servir como edifico provisional mentres se remataba a construcción do Instituto Laboral, foi sucesivamente Instituto Laboral Feminino (dende 1964); centro de Formación Profesional ata que se edificou o actual Porta da Auga, Centro de Educación Permanente de Adultos Dámaso Alonso, do que curiosamente Roberto Rodríguez foi profesor (dende 1989) e Director dende o 1991 ata a súa unificación no IES de Ribadeo Dionisio Gamallo e actulamente, é a sede da Escola Oficial de Idiomas.
No semisótano, hoxe Biblioteca da EOI, Osorio tiña instalado o seu obradoiro onde esculpiu as obras da súa prolífica etapa ribadense como por exemplo o busto de El Viejo Pancho realizado para a inauguración da Biblioteca Municipal en 1957, ou o de grandes amigos como Daniel Cortezón, Amando Suárez Couto, Ramón Muiña ou Dionisio Gamallo quen lle dá nome ó centro. A maioría destas obras están reunidas nunha sala adicada a Ribadeo dentro da exposición que se pode visitar no forte de San Damián ata o 17 de agosto. Leva por título “Unha viaxe no tempo a travé da Arte” e grazas a ela, alumnado do centro e numeroso público están descubrindo a obra deste gran escultor.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
