O facultativo, procedente do centro de saúde de Fingoi, substitúe no cargo a María Núñez Temes, que dirixía este nivel asistencial desde o ano 2021
Lugo, 15 de xullo de 2024. A Consellería de Sanidade vén de nomear ao doutor Jonathan Grandío Gómez como novo director de Atención Primaria da Área Sanitaria de Lugo, A Mariña e Monforte de Lemos, substituíndo no cargo a María Núñez Temes, que exercía esa responsabilidade desde o ano 2021 e que cesa a petición propia.
A nivel profesional, o doutor Jonathan Grandío Gómez procede deste primeiro nivel asistencial, unha das principais portas de entrada ao sistema sanitario público e principal garante da continuidade da atención ao longo de toda a vida do paciente. Ata o de agora, o doutor Grandío exercía como médico de familia no centro de saúde de Fingoi (Lugo), desde onde pasará a dirixir unha área estratéxica e fundamental para o Sergas, a Atención Primaria, coa misión de fortalecer e potenciar este nivel asistencial na provincia de Lugo.
Licenciado en Medicina e Cirurxía pola Universidade de Santiago de Compostela, formouse como especialista en Medicina Familiar e Comunitaria, vía MIR, no Hospital Universitario La Paz, en Madrid. Posúe un máster en urxencias e emerxencias; outro en medicina paliativa e de tratamento de soporte do enfermo con cancro e outro en administración e dirección de empresas.
O doutor Jonathan Grandío iniciou a súa carreira profesional como médico de urxencias no Hospital Universitario Ramón y Cajal (Madrid). Posteriormente, traballou como facultativo no Servizo de Urxencias do Hospital Universitario de Santiago de Compostela e no Hospital Universitario Lucus Augusti. Grandío Gómez é persoal estatutario fixo do Sergas, na categoría de médico de familia de Atención Primaria desde o ano 2019. Ata ser nomeado director de Atención Primaria da área sanitaria de Lugo, A Mariña e Monforte de Lemos exercía como médico no centro de saúde de Fingoi (Lugo).
Comprometido coa Atención Primaria e implicado no seu desenvolvemento e mellora, o novo director de Atención Primaria da área sanitaria de Lugo, A Mariña e Monforte terá como obxectivos primordiais potenciar este nivel asistencial para que sexa o eixe vertebrador do sistema público de saúde, fortalecer os seus valores de proximidade, accesibilidade e equidade, e detectar todas aquelas áreas susceptibles de mellora, co fin de consolidar e fortalecer a Atención Primaria na provincia.
Fomentar a capacidade de resolución deste nivel asistencial, en coordinación cos xefes de servizo de Atención Primaria e potenciar a coordinación entre Atención Primaria e Atención Hospitalaria., para garantir unha asistencia integral, continuada e centrada nas necesidades do paciente, serán piares fundamentais do seu traballo.
Como director de Atención Primaria, Grandío Gómez asumirá, ademais, a xestión da demanda de servizos sanitarios de Atención Primaria, garantido o desenvolvemento das actuacións de promoción da saúde e prevención da enfermidade na área sanitaria lucense.
Outros dos seus principais obxectivos serán á estabilización do persoal que traballa en Atención Primaria e a captación de novos profesionais para suplir as carencias que podan existir no momento actual. Asemade, deberá executar os proxectos establecidos para este nivel asistencial; e coordinar, supervisar e avaliar todos os recursos dos centros de saúde da área sanitaria, entre outros.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
