Desenvolveuse na Escola Municipal de Música e Danza e contou coa participación como docentes de Hansel Luis Díez (vento), Alberto Conde (piano), Carmen Rey (voz), Kin García (contrabaixo e guitarra) e Manuel Molina (batería).
A concelleira de Cultura, Begoña Sanjurjo, felicitounos “pola iniciativa e constancia e queremos dicirlles que o Concello de Ribadeo sempre respaldará estas xornadas de formación”.
O Curso de Jazz e Música Moderna rematou cunha actuación no Campo de San Francisco.