A Pontenova, 9 de xullo de 2024. A Vicepresidencia da Deputación de Lugo, a través da área de Rural, ofrece o soporte técnico e financiamento necesario para a posta en marcha da Rapa das Bestas de Neipín. Equus Norte organiza esta actividade que nace o 20 de xullo na Pontenova co obxectivo de promover a actividade gandeira na Mariña e na Provincia de Lugo.
O deputado de Rural Daniel García presentou a cita xunto a Javier Veiga, presidenteda entidade organizadora, Isabel Couto, tenente de Alcalde e o concelleiro Xorxe Gómez. A I Rapa da Pontenova súmase á axenda da comarca na que se inclúen eventos históricos como Candaoso, en Viveiro, ou Campo do Oso, en Mondoñedo.
García explicou o apoio de 18.000€ dende a área de Rural “para a posta en marcha desta cita á que desexamos unha longa vida. Por unha banda a achega permitirá a elaboración e instalación dun curro desmontable de 300m2 que permitirá a celebración das actividades este ano e en futuras edicións. Tamén se colabora con outros gastos como a degustación gastronómica de carne de poldro de pura raza galega que se realizará o venres 19 de xullo da man de PURAGA nos locais de hostalaría da vila”.
Pola súa banda, Veiga sinalou a importancia deste evento que “achegamos ao público, xa que era unha iniciativa que levaba a cabo Alejandro Salvatierra de xeito particular e que agora ábrese a todo o pobo. Continuamos así dinamizando o concello da Pontenova, e agardamos o éxito xa nesta primeira cita, na que ademais agardamos un centenar de cabalos”. O organizador sinalou que traballan nun plan de tráfico e porán a disposición dos asistentes un aparcamento.
A Rapa comezará o sábado 20 de xullo ás 11:30 horas coa entrada das reses e marcaxe. Posteriormente realizarase unha sesión vermú e as persoas que fagan a reserva previa poderán participar na comida. Xa pola tarde será a quenda de DJ Bombardero e un espectáculo de doma por parte do pontenovés Lombardero. O venres os locais de hostalería do concello celebrarán unha degustación.
Dende a área de Rural de Vicepresidencia dáse valor á Rapa das Bestas, unha tradición con moito arraigo en toda A Mariña, así como en Galiza, e que A Pontenova agora recupera para o goce da veciñanza e visitantes. É un ben que forma parte do noso patrimonio natural e cultural que se debe defender e promover como tal.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
Realizouse en dúas sesións, unha teórica e outra práctica. Na práctica contouse coa colaboración dos mestres Eloy Roces, Félix Bargados, Ángel Areas, Francisco Martins e Lino Gómez Feito. Nel actualizou a súa titulación de Xuíz de Tribunal Nacional de Graos o profesor do Club Shitokai Asturias Galicia, Julián Martín. Pola tarde celebrouse o exame de Cinto Negro ata 8º Dan. Os karatekas pertencentes ao Club de Karate de Ribadeo obtiveron os seguintes graos: Miguel Sanz Delgado, Cinto Negro 2º Dan. Janet Villarino Vizoso, Cinto Negro 1º Dan. Ambos coa idade mínima no seu Grao.
O Deputado de Medio Ambiente, Carlos López, participou no encontro, que serviu para perfilar os detalles da XLI edición deste certame, que terá lugar do 4 ao 6 de abril.
