A Mariña, xoves 18 de xullo de 2024. Galiza prepárase para a celebración do 25 de Xullo, Día da Patria Galega, que congregará en Santiago de Compostela a milleiros de persoas na manifestación que sairá da Alameda ás 12:00 e que terá continuidade con diversos actos ao longo da xornada.
Na Mariña, o BNG e Galiza Nova organizan actos en diferentes localidades da comarca, de carácter lúdico, festivo e reivindicativo. Despois dos procesos electorais vividos no último ano, “o BNG é unha forza política claramente á alza que non deixa de medrar elección tras elección e cun discurso e unha práctica coherente e transformadora, que traballa por unha Galiza forte que faga valer os nosos intereses de país e coide dos galegos e das galegas con servizos públicos, universais e de calidade, coma a sanidade, na que na comarca da Mariña levamos anos de loita fronte ao proceso de desmantelamento que leva a cabo o PP” , afirmou o responsable comarcal Antonio Veiga.
En términos semellantes pronunciouse María Carballal, responsable comarcal de Galiza Nova que afirmou tamén que “traballamos por unha Galiza en que os coidados sexan un dereito e non un negocio e en que a vivenda e a protección social estean garantidas. Unha Galiza en que a nosa lingua propia, o galego, estea viva e plenamente normalizada, e na cal a defensa da igualdade desde o feminismo e o respecto á diversidade sexan norma e non excepción”.
Sábado 20 de Xullo, XXIX Festa da Patria en Foz
Este sábado en Foz, a partir das 19:30 diante da lonxa terá lugar a XXIX edición da Festa da Patria, cos tradicionais chicharros lañados, e a actuación de Os Lambós e Dj´s Di Pacolo e compañía.
Domingo 21 de xullo, XVII Manifesta da Patria en Barreiros
O domingo 21 de xullo, na área recreativa de A Insua, celebrarase un xantar, a habitual “bonitada do Bloque”, con sesión vermú a partir das 13:00 amenizada por Dj e un grupo de música tradicional. O xantar será ás 14:30 e ao longo da xornada haberá diversas actividades.
Martes 23 de xullo, Parladoiro-Foliada en Burela organizada por Galiza Nova
O martes 23 de xullo, ás 20:00 na antiga Praza de Abastos de Burela terá lugar un parladoiro, seguido de foliada e petiscos. Na mesa do Parladoiro, que tratará sobre “O movemento feminista da Mariña” participará a escritora Lucía Ferro e a traballadora cultural Silvia Fiallega. A partir das 21:00 terá lugar a foliada.
Manifestación en Santiago de Compostela o xoves 25 de xullo
Desde o BNG animan a asistir á manifestación que partirá da Alameda compostelá á 12:00 e que rematará na Praza da Quintana, así como ás actividades que ao longo do día se van desenvolver dando continuidade ás do día 24 dentro do Festigal.
Para acudir á manifestación o BNG organiza a viaxe en bus, podendo anotarse no tfno 982 140 654 as persoas que desexen ir.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
