Ribadeo, 10 de xullo de 2024. O Concello destinará á campaña das Panchas deste ano 85.000 euros. Este será un dos asuntos que se abordarán no pleno do vindeiro martes, 16 de xullo, así coma nome que recibirá o miradoiro inaugurado hai unhas semanas preto do Forte de San Damián.
O alcalde, Dani Vega, explicou que “celebramos a comisión de Facenda e de Asuntos Xerais, onde abordamos varios asuntos: o primeiro deles, o Plan Estratéxico de Subvencións, co cal vamos aprobar as Panchas en tempo e forma para que entre canto antes esa colaboración económica con todo o comercio local. É un apoio moi importante. Ata o de agora tíñamos un presuposto de 50.000 euros e agora vamos incrementar 15.000 euros. En consecuencia vamos dotar dunha subvención ao comercio para que todo o mundo poida consumir e apoiar ao comercio local de 65.000 euros. Tamén vamos firmar un convenio de colaboración coa Dirección Xeral de Comercio de 50.000 euros, do cal vamos destinar 20.000 euros a Panchas. Polo tanto vamos ter un presuposto de 85.000 euros, que é moi importante porque é fundamental apoiar ano tras ano con esta colaboración importante de financiamento como son as Panchas. Queremos empezar canto antes e por iso vamos levalo a pleno o próximo martes”.
O rexedor dixo que “tamén analizamos o convenio coa Secretaría de Estado en materia de seguridade. Queremos un pobo que estea dentro dos marcos de seguridade establecidos polo Ministerio e este convenio é un paso adiante”.
Vega contou que “ao miradoiro que hai moi poucos días inaugurábamos e que financiou Costas queremos poñerlle un nome, e que mellor que dedicarllo ao pobo irmán de Loctudy, co que estamos irmandados. Os días 11, 12, 13, 14 e 15 vai vir a Ribadeo unha representación de Loctudy e vamos ter visitas para ensinarlles o noso pobo e tamén actos institucionais, un deles vai ser cando inauguremos ese miradoiro con ese nome de Loctudy e tamén un acto institucional na casa consistorial”.
O alcalde ribadense engadiu que “o último punto que aprobamos nesta comisión foi o cuarto Plan de Igualdade e iremos tamén con este tema tan importante dando pasos fundamentais para a igualdade dentro da sociedade. Xa foi aprobado en comisión e esperemos aprobalo tamén en pleno. Polo tanto foi unha comisión e será un próximo pleno ricos en temas. Así seguimos traballando e xestionando para Ribadeo”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
