Xove, 22 de xuño, 2024. O grupo Socialista de Xove, con motivo do primeiro aniversario desta lexislatura, a través da súa representante Rogelia Mariña trasladou unha serie de preguntas ao Equipo de Goberno para ver cal foi o contido e polo tanto, consecución neste primeiro ano de goberno.
“A nosa candidata Rogelia Mariña plantexou doce preguntas e unha moción.
“Nesta moción consideramos solicitar a construción dun bloque de 100 vivendas sociais para dar resposta ao tema de falta de vivendas en Xove. Xa que dende os anos 2000 nada se fixo,e tamén vemos que dende fai mais de 16 anos nin unha sola grúa se ve en Xove. Polo que esta carencia de vivenda, obriga á xente xove a mercar fóra do noso pobo”.
“O equipo de Goberno, capitaneado polo Sr Salgueiro, votou en contra argumentando que só hai unha solicitude. Parécenos, canto menos triste,que dende o goberno non vexan a realidade do que acontece, xa non só a día de hoxe, tamén ollando cara o futuro”.
“As preguntas foron plantexadas para que nos dera resposta a propostas que neste ano fixo o Grupo Socialista, xa que os cidadáns nos puxeron na oposición e dende ese posto exercemos o noso traballo, que é facer un control ao Goberno e o mesmo tempo facer propostas que amosen as deficiencias que vemos e que si tiveramos a responsabilidade de gobernar acometeriamos”.
“Resulta que o Sr. Alcalde quéixase de que son moitas preguntas e que non lle gusta o ton no que son formuladas. Parece que nos plenos do Concello de Xove se preguntas, molesta un pouco. Pois benvida esa molestia, porque o seguiremos facendo”.
“Están a demostrar as poucas ganas que ten de traballar por Xove, aínda que ten unha dedicación exclusiva ben pagada, que lle recordamos sae dos impostos que todos o xovenses pagamos relixiosamente”.
“E en canto ao ton, son propostas e preguntas presentadas con respecto, educación e sen insultar a ninguén, pero con sentido de critica política a esa parálise que xa leva 17 anos, e supoñemos que non lle gusta o recordemos. Ten solución: poñerse a traballar·.
“As preguntas foron sobre como avanza o tema da mellora do abastecemento e calidade da auga, xa que se hai seca este verán volveremos a ter restricións de auga e cando chove segue a saír barro polas billas”.
“A mellora e ampliación do Polígono Industrial de Camba, máis do mesmo: está igual que cando se fixo aló polos 90, e a contestación é: -estamos elaborando o proxecto-“.
“No tema de Centro de día para os nosos maiores, a contestación por parte do Goberno é que o están mirando. E mira que mira levamos 17 anos sen el”.
No tocante a saneamento, a opción do Goberno P.P. de Xove e Xunta é seguir cos pozos negros, nada van facer para avanzar neste tema. Seguiremos contaminando as augas subterráneas, os ríos e vertendo ás praias, política do P.P”.
“Sobre os pantaláns para o porto de Morás, as mesmas desculpas dos últimos 17 anos, que si é culpa de costas, de Portos… é dicir xestión cero”.
“Con respecto da mellora agrícola e forestal, nada de nada, as pistas forestais cada día en peor estado e sen regulamento de coidado ningún”.
“No aspecto deportivo, triste ver como admite o Sr. Alcalde que é posible a desaparición do Xove-Lago, cando dende o Goberno fan moi pouco para potenciar o deporte de base. Fíxose un campo de adestramento case coma os que ten o Real Madrid, dentro de pouco será para levar as vacas a pastar, aínda que nin iso, xa que é de herba artificial”.
“Esta situación é reflexo dun goberno que segue con pouca previsión e organización. Iso si, facendo festas, muros e favoriños para manter os votos hai que poñerlles un 10”.
Mentres tanto Xove está totalmente paralizado, o único que puxeron moitas ganas foi ao parque inaugurado o día das eleccións Europeas, supoñemos por orde dos altos dirixentes do P.P., rozando a ilegalidade e por suposto sen respecto algún ás mínimas regras de ética democrática, este o tono que lle gusta ao P.P. Dende o partido socialista de Xove sempre vamos apoiar as iniciativas que se fagan para Xove e o benestar dos seus veciños, benvidas sexan. Pero cremos que antes da realización dese parque, hai moitas prioriodades antes onde invertir e de maior urxencia.
“En definitiva, 17 anos que se botamos unha ollada a Xove seguimos igual en canto a vivenda, saneamento etc… e nós vamos seguir pelexando para que esto cambie”, conclúen.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
