Con hat-trick de Emilly, o conxunto laranja non deu tregua a un moi serio Poio
Burela, 1 de xuño, 2024. Ás 18.00h desta tarde, no pavillón municipal Vista Alegre, de Burela, disputábase o primeiro partido da semifinal dos Playoff polo Título de Primeira División Iberdrola, o derbi galego máis común da tempada, o “Derbi das Costas”, Pescados Rubén Burela FS – Poio Pescamar, cun resultado final 4-0. Nunha tarde na que as Festas Patronais de Burela non impediron subir a nosa sempre dispoñible afección a Vista Alegre a contribuír con esta primeira vitoria do Pescados Rubén en semifinais, con arredor de 800 espectadores, entre os que tamén destacou a admirable resposta da afición do equipo rival, que viaxou dende Pontevedra a Burela en multitude.
Comienza el derbi y ya en el minuto 2 Patricia adianta o marcador para as locais cun disparo dende a frontal. Non é ata o minuto 7 ata que o Poio ten unha clara ocasión que frustra Caridad nunha boísima recuperación de Laura Uña en media pista, quedándose soa ante a porteira que salva a situación saíndo ata a frontal a polo balón. Chega o 2-0 no minuto 7 cun rexeite de Emilly nun balón que choca coa barreira rival nun tiro de falta que a mesma xogadora brasileira saca. No minuto 11 case chega o terceiro tras un bo roubo de Irene Samper e consecuente disparo que detén Elena. No minuto 12 Ale de Paz tiraa ao traveseiro e no 13, Emilly roza o segundo pau nun disparo dende fóra da banda tras un pase longo de Antía Pérez. No 17 boa parada coas mans de Elena a un disparo dende a banda de Rafinha tras unha boa transición do Burela. Segundos despois Emilly volve rozar o pau, esta vez cun disparo frontal desde os 10 metros. Poucas opcións deixa o Burela a un loitador Poio que poucas veces logra chegar á portería das locais nestes últimos minutos da primeira parte. Unha moi boa parada de Caridad no último minuto a un tiro desde a banda de Laura Uña será a última ocasión de gol destes primeiros 20 minutos.
Na segunda parte ambos os conxuntos repiten quinteto. Os primeiros minutos discorren sen grandes ocasións por parte de ambos equipos, ritmo e xogo de balón ata o minuto 4 no que Ale de Paz se atopa con Caridad tras un disparo frontal afastado. No minuto 27 Patricia dispara á escuadra e dá no pau e na seguinte xogada Caridad sácaa a córner nun disparo de Ale de Paz tras un saque de esquina. Tíraa fóra Patricia tras un xiro a pase de Irene Samper nunha moi boa xogada colectiva no minuto 33 e segundos despois Cami volve tentalo nunha xogada colectiva nun disparo similar ao da súa compañeira de Yecla. No 34 López-Tulla decide comezar a presionar con xogo de 5 con Ale de Paz como porteira-xogadora. No 36 Patri volve atoparse con Elena nunha boa transición e no 37 chega o 3-0 cun gol de Emilly que chega soa co balón a portería baleira. No minuto 39 chega o hat-trick da Máquina e o 4-0 final, nun dobre penalti tras a sexta falta do conxunto pontevedrés.
Primeiro punto da semifinal para o equipo mariñán, que se enfrontará ao seu segundo partido, en Poio, o sábado que vén ás 17.00h. O encontro será retransmitido por Sinópsis Vuvuzela e pola TVG.
Ficha Técnica Pescados Rubén Burela FS 4-0 Poio Pescamar FS
Pescados Rubén Burela FS (4): Caridad; Antía Pérez, Irene Samper, Patricia, Emilly – cinco inicial-, Cami, Antía Pérez, Dany (C), Rafinha. Entrenador: Julio Delgado.
Poio Pescamar FS (0): Elena; Martita, Ale de Paz, Rocío Gómez, Laura Uña -cinco inicial-, Elena Aragón, Saki, Lara Balseiro, Irene (C). Entrenador: Luís López-Tulla
Goles: 1-0, min.2: Patricia. 2-0, min.7: Emilly. 3-0, min.37: Emilly. 4-0, min.39: Emilly.
Árbitros: Adrián Calleja, Gael García, Héctor Valdés, Laura Carús.
TA: Cami, Laura Uña, Irene, Rocío Gómez.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
