Dende o PSdeG denuncian que un cartel alerta no ambulatorio desta circunstancia, o que “deixaría sen atención sanitaria á veciñanza desta zona do municipio, tendo que acudir ao de Castro de Ribeiras de Lea”
Castro de Rei, 12 de xuño de 2024. A Agrupación Socialista de Castro de Rei esíxelle á Xunta de Galicia que revoque a decisión de pechar o centro médico de Castro nos meses de verán, tal e como advirte un cartel que o Sergas colgou no ambulatorio. “Non entendemos esta maneira de castigar á veciñanza do noso concello ano tras ano, deixando a unha boa parte da poboación sen atención sanitaria que lle corresponde”, alerta a súa voceira, Alba Sinde.
Sinde amósase moi crítica coa decisión da Xunta e urxe a que se cubran as prazas necesarias de médicos de familia no concello. ”Coa chegada do verán, e tamén dos turistas, o centro médico de Castro Ribeiras do Lea volve a estar na mesma situación de todos os anos, sen médicos. Ante isto, a solución que se da é quitar o médico do Consultorio de Castro de Rei, facendo que este peche durante un mínimo de tres meses, e enviando ao seu médico para Castro Ribeiras do Lea, buscando desta maneira que polo menos en Castro Ribeiras do Lea haxa dous médicos”. Dous médicos, denuncia, que deben atender “a un mínimo de 5.015 persoas que están empadroadas no concello, máis todas as que persoas que nos visitan nos meses de verán e tamén precisan de atención sanitaria”.
Lamentan os socialistas que os prexudicados sempre sexan os veciños e veciñas tanto da vila de Castro de Rei como de todas aquelas aos que este consultorio dá servizo. “Con este peche de centros de saúde só se está conseguindo desmantelar a nosa sanidade pública”, advirte, ao tempo que apunta que en situacións de emerxencia se corre o risco de que os facultativos non cheguen a tempo a atender urxencias por culpa da falta de persoal e tendo en conta as distancias entre os diferentes puntos do municipio. Nese sentido, o PSdeG de Castro de Rei denuncia que a Xunta só fomenta “a sanidade privada e provoca que cada día menos xente viva no rural pola falta de servizos públicos dignos e de calidade”.
O milagre electoral
Alba Sinde ironiza co “milagre electoral” que se produciu hai un ano, cando logo de meses pechado, este mesmo centro de saúde abriu uns meses antes das eleccións municipais. “Pero agora, lonxe dunhas eleccións, sospeitamos que a Xunta poida estar contemplando o peche definitivo do consultorio derivando a atención médica ao Centro de Castro Ribeiras de Lea, onde ademais tamén é frecuente a falla de médicos neste consultorio”.
Os socialistas lembran que tanto dende o Grupo Municipal Socialista de Castro de Rei, como dende o Parlamento ou na Deputación de Lugo, “defendemos iniciativas para demandar insistentemente que non se pechen centros de saúde e que se doten dos facultativos necesarios para dar unha atención de calidade”.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
