Alfoz/Valadouro, 19 de xuño, 2024. O Grupo Municipal do PsdeG-PSOE de O Valadouro insiste na problemática da falta de médicos de cupo no Centro de Saúde da localidade. “Segue a existir unha situación de precariedade, con atención so catro horas ó día, por un facultativo distinto cada día.Ademais uns días a atención e pola mañá e outros día é pola tarde. Desde a Xerencia da Área sanitaria non dan solución a esta situación, nin ofrecen alternativas”.
“Esto, como era previsible, está tamén repercutindo no veciño concello, según manifestan desde o PSOE de Alfoz, xa que numerosos veciños de O Valadouro, ao levar moitos meses sin ter médico de cupo, decidiron solicitar médico no Centro de saúde de Alfoz. Unido a que nos encontramos en época de vacacións, sen cobertura dos facultativos que as están a disfrutar, pode colapsar a asistencia do concello veciño”.
“Evidénciase unha falta de planificación e organización da Xerencia do Sergas, tendo en conta que a maiores, a poboacion vaise incrementar, engadido a avanzada idade da poboación, dispersión,etc… Amparándose na falta de médicos, sen buscar outra solución, cunha falta de interese polos veciños de O Valadouro, que vai afectar tamén a atención que reciban os de Alfoz”.
“É comprensible que os veciños e veciñas queiran ter unha atención primaria de calidade e cun seguimento por un MAP estable, por eso entendemos que ante a falta deste servizo en O Valadouro, moitos veciños e veciñas soliciten asignación de medico de cupo en Alfoz, incrementando a carga asistencial deste centro de saúde. Isto engadido á repercusión desta falta de atención no servizo de urxencias do Hospital Público de A Mariña, cun incremento de casos que poderían ser tratados na atención primaria”.
“É curioso que sigamos nesta situación, sen ofrecer solución. É posible que o PP pense que pode facer o que queira, porque gana as eleccións, a saúde do Val está en xogo, pensando que as urnas os avalan”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
