O estudo técnico da reforma contempla a creación dun espazo aberto e diáfano que se ubicará na primeira planta do edificio da praza de abastos
Vilalba, 13 de xuño de 2024. O Salón de Plenos do Concello de Vilalba acollerá mañá ás 9.00 horas un pleno extraordinario no que se abordarán tres temas de gran relevancia. Entre eles, estará a aprobación do proxecto de obra para o acondicionamento do local destinado ao futuro Punto de Atención á Infancia co que contarán as familias da localidade.
A rexedora, Marta Rouco, sinalou ao respecto que “damos un paso máis para acadar o noso obxectivo de poder ofrecer no vindeiro curso máis prazas para a atención da primeira infancia e para que, deste xeito, as familias vilalbesas conten coas máximas posibilidades de conciliación”.
Nesa liña, o goberno local presentará a todos os grupos da corporación o estudo técnico das obras de reforma que serán necesarias para acondicionar un dos locais do edificio da praza de abastos ás esixencias normativas para convertelo en Punto de Atención á Infancia.
En primeiro lugar, o proxecto contempla o derrube dalgúns elementos exteriores e de todos os elementos de distribución interior cos que conta actualmente o local. Posteriormente, levaranse a cabo diversas actuacións na fachada entre as que se atopan a apertura de novos ocos e a colocación de envolvente para cumprir os requisitos técnicos e normativos.
Pola súa banda, as obras tamén incluirán a colocación de tabiquería lixeira e a habilitación dunha nova zona de acceso que se completará coa nova distribución do espazo interior, de tipo aberto e diáfano. Nese sentido, o local contará con cinco zonas diferenciadas, tal e como establece a normativa vixente: unha zona de gateo, outra de descanso, unha zona de hixiene, aseos e un espazo de preparación de alimentos dotado cos electrodomésticos básicos.
Finalmente, no referido ao proxecto de obra, tamén se contempla a adecuada instalación do sistema de protección contra incendios, de protección á exposición do radon, do sistema de ventilación, de aforro enerxético e do sistema de xestión de residuos, entre outros.
En definitiva, o estudo técnico “está deseñado para obter as autorizacións, licenzas e permisos pertinentes para acondicionar o local e para poder sacar a licitación a súa reforma” explicou a alcaldesa, Marta Rouco, quen ademais lembrou que “o PAI é un espazo no que se ofrecerá a arredor de 20 familias coidados, atención e ensinanzas para as súas crianzas coa finalidade de contribuír ao seu desenvolvemento físico, afectivo, social e intelectual”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
