Continúa o crecemento e colaboración entre clubes deportivos na nosa comarca. Nesta ocasión, o CD Burela FS e o Praias de Barreiros C.D. chegan a un acordo de filialidade para esta próxima tempada na que pretenden sumar forzas para a proliferación e crecemento do fútbol sala e a “boa saúde” do deporte na Mariña. Esta alianza súmase ás cada vez máis colaboracións por parte do club de futsal burelao, que espera poder continuar creando vínculos de unión con cada vez máis clubs deportivos e entidades, fortalecendo o ámbito e identidad deportiva desta zona.
