Entre as propostas, “nas que quixemos involucrar aos tres centros educativos do municipio” houbo unha plantación de árbores autóctonas nun monte municipal ou unha sesión de recollida selectiva de lixo na praia da Caosa
Cervo, 5 de xuño de 2024. O Concello de Cervo, a través da delegación de Medio Ambiente, programou con motivo do Día Mundial do Medio Ambiente, que se conmemora cada 5 de xuño, unha serie de actividades de sensibilización dirixidas á mocidade “para as que quixemos involucrar ao alumnado dos tres centros educativos do municipio”, tal e como precisou a edil responsable, Mali Méndez.
A programación arrincou a primeira hora desta mañá no IES Marqués de Sargadelos, cunha visita da concelleira que lle entregou ao centro diferentes plantas aromáticas –romero,pirixel, tomiño, ourego, lavanda….- para inaugurar o invernadoiro recentemente instalado coa colaboración do Concello de Cervo no patio do instituto.
Nesta recepción estivo presente o alumnado de 3º da ESO que a continuación participou nunha plantación de castiñeiros na finca municipal do Polígono de Cuíña “co obxectivo de contribuír a crear un bosque autóctono mixto para perimetrar este Polígono e que poida servir de cortalume no caso de que se declare un incendio”.
A actividade prolongouse ata o mediodía, e os rapaces aprenderon tamén algunhas técnicas e habilidades para traballar o bosque e crear así un Souto para desfrute de toda a veciñanza.
Como agasallo pola súa participación levaron para as súas casas cadansúa planta aromática.
A continuación foi a quenda do alumado de sexto do CEIP Península da Paz e do CEIP de Cervo que fixeron unha saída de campo para recoller lixo na Praia da Caosa, “a fin de sensibilizar sobre a importancia de reducir o impacto do lixo nos nosos mares e de mellorar o proceso de xestión de residuos en prol dunha economía circular”, precisou Méndez.
Desde o Concello de Cervo quixeron agradecer a colaboración da comunidade educativa á hora de participar sempre en todas cantas propostas xorden, nesta ocasión relacionadas co coidado e o respecto da contorna.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
