A enxurrada destas semanas rematou coa inequívoca mensaxe do antigo presidente Obama o 17-X. A maioría do Partido Demócrata (DP) quería outra persoa na candidatura para as vindeiras eleccións do 4-N. Velaí que Joe Biden veña de demitir e de propor, ao tempo, que a viepresidenta Kamala Harris sexa elixida candidata no canto del. A californiana xa amosou a vontade de substituilo como candidata e, ao longo de todo o domingo foron varios os senadores e membros da Cámara Baixa federal que lle prometeron públicamente o seu apoio, canda o caucus negro de senadores e representantes, varios axentes sociais das minorías, o ex presidente Bill Clinton e a ex secretaria de Estado e candidata demócrata no 2016 Hillary Clinton e máis a corrente centrista News Democrats. Seica as redes de apoio a Harris levaban semanas traballando. Malia esta evidente vantaxe non ten certa a obtención da candidatura.
Este feito é inédito na historia electoral norteamericana, porque Biden xa fora elixido nas primarias. Xa que logo, como ainda non fora ratificado pola Convención electoral do DP (que se vai xuntar entre os vindeiros días 19 e 22 de agosto), perténcelle a ésta (de primeiras destinada á simple ratificación de Biden) elixir o novo candidato sen suxeición as persoas delegadas a mandato previo ningún. Serán 4696; 3949 eleitas nas pasadas primarias canda 746 superdelegadas en función do seu cargo ou representación. Destas 746 agárdase que non partillen a primeira votación, onde se definirán as candidaturas con posibilidades. Iso se chega aló algunha outra persoa distinta de Kamala Harris.
O certo é que, canda o feixe de persoeiros do DP que amosaron este domingo o seu apoio a Harris, houbo outro bo feixe que calaron como petos, entre eles os gobernadores demócratas e a antiga speaker da Cámara de Representantes, Nancy Pelosi, quen dixera hai días que, para o caso do rexeitamento da candidatura de Biden, prefería un proceso aberto de elección da nova persoa candidata á automática proposta de Harris.
Poderá haber outra candidatura demócrata? Quizais sexa cedo de máis para sabelo, mais a meirande parte dos doadores á campaña presidencial prefiren á californiana de orixe indo-xamaicana, mentres aqueles que apostan por un proceso aberto non se abeiraron polo de agora a persoa ningunha. Semella que non é (probábelmeente xa non o sexa nunca) o intre axeitado para a electoralmente inédita Michelle Obama. Canto ao gobernador de California, Gavin Newsom, semella máis doado que conecte cos sectores máis progresistas ca a centrista Harris, mais non ten a experiencia electoral desta. Porén, ollo co gobernador demócrata de Pennsylvania, Josh Shapiro, que ten bastantes seareiros nos Estados-chave da elección federal.
Arestora é nidio abondo que Kamala Harris leva vantaxe, malia que non teña garantida a elección. Logo de gañala candidatura…podería con Trump? Teno difícil, mais os primeiros eixos temáticos que dixo priorizar (os dereitos das minorías e os intereses das pequenas e medianas empresas e dos “traballadores norteamericanos”) irían polo bo camiño, fronte á elitista axenda de Hillary Clinton no 2016.
Teño para min que, sexa como for, o 4-N haberá partido. Trump terá enfronte a alternativa que Biden xa non garantía.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
