Elena Candia subliñou que “o Partido Popular propón medidas de sentido común que poñen no centro ás persoas” e aposta por “favorecer a competitividade das nosas empresas e a creación de postos de traballo”
Ribadeo, 5 de xuño de 2024. “O BNG en Europa é amigo dos inimigos dos pescadores e o PSOE dos inimigos dos gandeiros galegos”, segundo subliñou o candidato ás europeas Adrián Vázquez nun mitin en Ribadeo no que tamén tomaron a palabra a presidenta do PP na provincia, Elena Candia, e o alcalde popular, Daniel Vega.
“O BNG é aliado dos verdes en Europa, que prohibiron a pesca do arrastre”, explicou. E, en relación ao PSOE, sinalou que “votou a favor dunha lei que reduce un 10% o terreo cultivable e en contra de modificar o status de protección do lobo”.
Vázquez fixo referencia a Ribadeo como exemplo do “potencial turístico de Galicia como punta de lanza da nosa cultura, economía e, consecuentemente, favorecendo o asentamento da poboación”. Así mesmo, aproveitou a ocasión para recordar a vitoria electoral do PP nas municipais do ano pasado: “o goberno de Ribadeo é un exemplo de boa xestión e o Partido Popular representa a política que funciona e por iso queremos levar este modelo a Europa”.
Elena Candia tamén pediu o voto para a candidatura popular este domingo 9 de xuño porque “somos a formación que máis nos parecemos aos lucenses, o Partido Popular está do lado dos pescadores e gandeiros, coñecemos a realidade do noso territorio e dos nosos autónomos e pequenas e medianas empresas e defendemos nos distintas institucións onde temos representación os intereses de Lugo e os lucenses”.
A popular subliñou que “o Partido Popular propón medidas de sentido común que poñen no centro ás persoas”, dixo. As liñas principais do programa do PP céntranse en defender os nosos dereitos e a igualdade de oportunidades, paliar o reto demográfico, facilitar a vida das familias, a conciliación, o acceso á vivenda e ao primeiro emprego, a mobilidade e favorecer a competitividade promovendo o crecemento sen cargas adicionais, entre outras.
En relación a isto último, Candia subliñou a aposta do PP para favorecer a competitividade das nosas industrias e a procura dunha enerxía limpa a barata “que permita ás empresas dispoñer de enerxía a prezos accesibles”.
A popular incidiu en que “esta é a nosa proposta, a de apoiar o tecido produtivo para manter os postos de traballo na comarca e na provincia. Todo o contrario do que fai o Goberno de Sánchez”, remarcou poñendo como exemplo a situación de Alcoa.
“Os traballadores da planta de San Cibrao continúan nunha situación de incerteza” mentres o Executivo central continúa sen promover os instrumentos públicos de apoio para a factoría, a pesar de ser a única de produción de aluminio primario de España e declarada esencial durante a pandemia”, dixo.
Candia sinalou que “o Goberno central non aclarou se estaría disposto a intervir de forma temporal e instrumental ata atopar un comprador solvente”. E “nada sabemos tampouco dun estatuto electrointensivo verdadeiramente eficaz, nin sobre a axilización dos parques eólicos e dos contratos de electricidade a longo prazo (PPAs) que abaratan o prezo da luz nin de esgotar as compensacións por CO2 ata o máximo que permite a Unión Europea”, indicou.
EUROPA: FONTE DE FINANCIAMENTO E ESTRATEXIA CULTURAL
Daniel Vega, pola súa banda, subliñou a “incidencia directa de Europa en todas as localidades e Concellos. Europa pode parecer que está lonxe, pero sentímola cerca”, asegurou.
O rexedor popular tivo presente unha dobre vertente: a administrativa e a cultural. “Moitas das axudas para acometer obras de mellora de infraestruturas públicas, actuacións no ámbito cultural ou da política social proveñen de fondos europeos”. É dicir, “beneficiámonos do financiamento europeo. Pero non debemos esquecer que Europa é tamén unha estratexia común de tódolos países”, dixo.
Vega tamén convidou aos veciños e veciñas de Ribadeo a achegarse a votar o vindeiro domingo 9 de xuño.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
