A iniciativa está financiada ao 100% con fondos propios e dá continuidade ao traballo desenvolvido dende 2009 que, cun investimento superior aos 17 millóns de euros, permitiu impulsar 400 proxectos para a mellora do estado e a produtividade dos bancos marisqueiros
Cariño (A Coruña), 7 de xuño de 2024. A Xunta de Galicia, a través do Centro de Cultivos Mariños (CIMA) de Ribadeo, dá un novo impulso á recuperación da actividade marisqueira galega coa entrega de 50.000 unidades de semente de ameixa xaponesa ás mariscadoras de Cariño. Trátase dun dos lotes que, dende este organismo dependente da Consellería do Mar, se poñen a disposición das distintas confrarías, co fin de reactivar a produción de xuvenís de molusco e fornecer así a demanda destes colectivos do Cantábrico.
Este proxecto, que está financiado ao 100% polo departamento autonómico e conta cun investimento que supera os 174.000 euros, distribuídos en catro anualidades: 2021-2024, dá continuidade ao traballo que se leva desenvolvendo dende 2009. Concretamente, o Goberno galego destinou dende ese ano máis de 17 millóns de euros para 400 proxectos relacionados coa mellora do estado e a produtividade dos bancos marisqueiros. Tal é así que as accións aprobadas permitiron actuar sobre máis de 18 millóns de metros cadrados de zonas de traballo e sementar preto de 300 millóns de unidades de cría de distintos tipos de ameixa.
Recoñecemento público ás mariscadoras
Con esta iniciativa, ademais de paliar a elevada mortalidade dos moluscos bivalvos rexistrada nos últimos meses a consecuencia da meteoroloxía, cúmprese outro obxectivo da Consellería, que é por en valor o extraordinario traballo destas profesionais, pois 3/4 partes das persoas que se dedican ao marisqueo en Galicia son mulleres. É dicir, unhas 3.600.
Con estes datos que non son menores, Alfonso Villares lamenta que a administración autonómica continúe soa no compromiso de axudar a este sector. Deste xeito, insta, novamente, ao Goberno central a declarar zona catastrófica aquelas áreas máis afectadas polos fenómenos excepcionais e cubrir así o máximo impacto da produción. Para o titular de Mar, a negativa do Executivo estatal demostra unha clara discriminación con respecto a Galicia, pois en España rexistráronse outras situacións de emerxencia ou catástrofes semellantes e Goberno, pola contra, si que foi máis proactivo.
Proceso do cultivo
O Centro de Investigacións Mariñas realiza unha investigación orientada e aplicada, que persegue a xestión racional e eficaz dos recursos mariños renovables. Oriéntase principalmente á acuicultura de moluscos e peixes. Está integrado polo Centro de Investigación de Corón, Vilanova, e unha planta en Ribadeo. Actúa como organismo asesor da administración pesqueira galega nas cuestións da súa competencia que demandan os diferentes sectores produtivos a través das direccións xerais e oficinas territoriais da Consellería do Mar. As súas principais liñas de investigación contaron cun investimento próximo aos 700.000 euros, financiados a través do orzamento propio da Consellería, dos Fondos do Mecanismo de Recuperación e Resiliencia europeo e da FEMP, a través de Redemar.
No caso do lote entregado ás mariscadoras de Cariño, as sementes tiveron a súa fase de cultivo larvario e post-larvario no CIMA de Ribadeo, ata que alcanzaron o tamaño axeitado para ser trasladadas ao mar e completar a fase de preengorda nas instalación de O Vicedo, onde chegaron a unha media non maior de 12 milímetros. O seguinte período de crecemento está agora na man destas profesionais, que inicialmente continuarán co proceso en sacos sobreelevados. Unha vez alcancen o tamaño ideal serán sementadas nos areais, en bancadas con protección horizontal de rede e finalmente serán liberadas para medrar en liberdade. Este proceso de cultivo terá unha duración de entre 16 a 18 meses ata que alcancen o tamaño comercial; momento no que serán recollidas para a súa venda.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
