As novas instalacións darán servizo desde o primeiro momento aos concellos de Abadín, A Pastoriza, A Pontenova, Meira e Trabada, ademais de Riotorto
Riotorto, 29 de xuño de 2024. A nova planta de transferencia de residuos de Riotorto, construída pola Xunta de Galicia cun investimento de 2,15 millóns de euros, entrará en funcionamento o próximo luns, 1 de xullo. Así o anunciou esta mañá a conselleira de Medio Ambiente e Cambio Climático, Ángeles Vázquez, quen se achegou ata o municipio lucense para coñecer as instalacións, cunha capacidade de tratamento de 7.500 toneladas de refugallos urbanos ao ano.
Acompañada polo delegado territorial da Xunta en Lugo, Javier Arias, e varios alcaldes da comarca, a responsable autonómica explicou que, inicialmente, esta planta dará servizo a seis concellos (Abadín, A Pastoriza, A Pontenova, Meira e Trabada, ademais de Riotorto), que suman unha poboación de máis de 15.500 habitantes.
Tras lembrar que esta infraestrutura substitúe á antiga microplanta localizada tamén en Riotorto, con capacidade para tratar tan só os residuos procedentes do contedor xenérico, explicou que as novas instalacións están preparadas para transvasar as tres fraccións que recibe a Sociedade Galega de Medio Ambiente (Sogama) —envases de plástico, latas e briks (bolsa amarela), fracción resto (bolsa negra) e materia orgánica (bolsa marrón)— e transferilas despois á planta de compostaxe de Cervo.
Ademais, a instalación conta cos mellores equipos en canto a eficiencia enerxética e tamén con paneis solares que permitirán compensar os consumos eléctricos. Así mesmo, dispón dunha depuradora, de sistema de pesado e aparcamento para varios contedores.
Cómpre lembrar que esta infraestrutura de transferencia forma parte da Rede pública impulsada pola Xunta para a valorización da materia orgánica de orixe doméstico, os chamados biorresiduos, unha fracción que os concellos están obrigados por lei a recoller separadamente nos seus respectivos territorios.
Neste sentido e aínda que as competencias de xestión dos residuos son municipais, o Goberno galego mantén o seu apoio aos concellos para axudarlles a garantir o cumprimento da normativa neste eido, poñendo ao seu alcance as dotacións necesarias.
A tal fin, Ángeles Vázquez explicou que a rede pública impulsada polo seu departamento para a xestión da materia orgánica está composta por 17 plantas: 4 dedicadas ao tratamento dos biorresiduos para facer compost —1 por provincia— e 13 de transferencia —todas elas dotadas dunha tolva específica para o transvase da materia orgánica recibida, como paso previo ao seu traslado ata a planta de compostaxe máis próxima—.
45 M€ de investimento
A conselleira salientou a boa marcha dos traballos tanto no caso das instalacións de nova construción como daquelas remodeladas a partir doutras xa existentes, o que permite que, a día de hoxe, a rede para a valorización dos biorresiduos de orixe urbana estea xa practicamente completa e operativa.
De feito, coa entrada en funcionamento en xullo da planta de transferencia de Riotorto, a única que quedará pendente é a de Vigo, que recibiu a finais de abril a licenza municipal para poder adaptar as instalacións existentes cunha tolva reservada para a fracción orgánica.
Neste sentido, a responsable autonómica destacou tamén que o investimento previsto na posta en marcha destas 17 infraestruturas destinadas á xestión e tratamento dos biorresiduos en toda a Comunidade ascende a 45 millóns de euros, contía cofinanciada pola Unión Europea con 30 millóns a través do Programa FEDER de Galicia 2021-2027.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
Realizouse en dúas sesións, unha teórica e outra práctica. Na práctica contouse coa colaboración dos mestres Eloy Roces, Félix Bargados, Ángel Areas, Francisco Martins e Lino Gómez Feito. Nel actualizou a súa titulación de Xuíz de Tribunal Nacional de Graos o profesor do Club Shitokai Asturias Galicia, Julián Martín. Pola tarde celebrouse o exame de Cinto Negro ata 8º Dan. Os karatekas pertencentes ao Club de Karate de Ribadeo obtiveron os seguintes graos: Miguel Sanz Delgado, Cinto Negro 2º Dan. Janet Villarino Vizoso, Cinto Negro 1º Dan. Ambos coa idade mínima no seu Grao.
O Deputado de Medio Ambiente, Carlos López, participou no encontro, que serviu para perfilar os detalles da XLI edición deste certame, que terá lugar do 4 ao 6 de abril.
