A Deputada de Economía, Recadación, Facenda e Especial de Contas inaugurou a xornada técnica que se realizou no Pazo de San Marcos dentro desta programación á que asistiron numerosos alcaldes da provincia e persoal funcionario
Lugo, 13 de xuño de 2024. A Deputada de Economía, Recadación, Facenda e Especial de Contas, Carmela López Moreno, inaugurou este xoves, no Salón de Actos do Pazo de San Marcos, unha xornada técnica sobre o catastro impartida polo Xerente Territorial do Catastro de Lugo, Luís Fernando Jácome López. Este evento enmárcase na programación da Semana da Administración Aberta, unha iniciativa promovida pola Alianza para o Goberno Aberto que ten como finalidade principal achegar as administracións públicas á cidadanía baseándose nos principios de transparencia, rendición de contas, participación cidadá, integridade pública e colaboración.
Carmela López deu a benvida a todos os asistentes e sinalou que “queremos sumarnos a este evento posto que estamos plenamente convencidos de que eses obxectivos de servizo e transparencia teñen que empezar polos concellos, pola administración local”. Nesta liña a Deputada destacou o compromiso que mantén a institución provincial coa transparencia “e que queda plasmado na nosa aposta pola formación e a dotación de servizos para os concellos”.
Na súa intervención, López Moreno tamén puxo en valor o plan de Igualdade da Deputación e subliñou que “ter un goberno aberto de xeito transversal ás políticas de xénero é tamén un exemplo de transparencia”.
Esta sesión, á que asistiron numerosos alcaldes da provincia e persoal da administración pública, reuniu a máis de 60 persoas que puideron abordar cuestións relacionadas co catastro, como ferramentas dixitais, e outros aspectos relacionados coa solicitude de certificados, ou o funcionamento da carpeta cidadá.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
