“Unha xornada para conmemorar e festexar a importancia de ter unha lingua propia, ademais de destacar a figura de Luísa Villalta, a autora homenaxeada este ano”, asegura a alcaldesa, María Loureiro.
Houbo unha interpretación do Himno de Galicia a cargo de David Bellas, artista e profesor do CMUS de Viveiro; baile tradicional a cargo dos grupos infantil e xuvenil de Bágoas da Terra, e “Música e libros”, coa actuación do Coro Infantil do Colexio Lois Tobío de Viveiro e da Coral Polifónica Alborada de Viveiro, coa colaboración da Librería Porta da Vila e África Copias.
As actividades continuarán mañá, sábado, 18 con “Como montar a túa banda de verán” de Xoán Curiel. Será ás 12:00 na Biblioteca Municipal. Ás 12:30 do sábado haberá pasarrúas de música tradicional a cargo do grupo Amigos do Folk, en Covas.
Ás 20:30, Migallas Teatro representará ‘Falemos coma galegas’ no Teatro Pastor Díaz.
Finalmente, o domingo 19 haberá pasarrúas de música tradicional a cargo do grupo Espera que Vou Mexar, ás 12:30 por Celeiro.