A presentación tivo lugar este martes na Casa de Galicia de Madrid coa presenza de Alba Rodríguez, Directora do Festival; Enrique Rodríguez Baixeras, Presidente da Fundación Jesús Bal y Gay; Anxo M. Lorenzo, Director Xeral de Cultura da Xunta de Galicia; e Sonia Mulero, Directora de Fundación Banco Sabadell. O acto estivo presentado por Clara Corrales, presentadora do programa ‘Sinfonía da Mañá’ de Radio Clásica RNE.
COMEZO CON ELIAS STRING QUARTET, UN DOS GRANDES CUARTETOS DE EUROPA
Elias String Quartet, un dos grandes cuartetos de Europa con máis de 25 anos de traxectoria, inaugurará o festival o 8 de agosto no Pazo do Conde de Fontao de Foz (19:00 horas) con obras de Haydn, Stravinsky e Schubert. Sara Bitlloch, Donald Grant (violíns); Simone van der Giessen (viola); e Marie Bitlloch (violoncelo) sobresaen pola frescura, intensidade e aparente espontaneidade das súas interpretacións, que cativaron nas mellores salas do mundo: Carnegie Hall en Nova York, Musikverein en Viena, Konzerthaus en Berlín ou Concertgebouw en Amsterdam.
O violinista armenio Sergey Khachatryan, admirado no mundo pola interpretación do seu instrumento, chegará o 9 de agosto ao Auditorio Municipal Hernán Naval de Ribadeo (20:30) para brindar, acompañado pola pianista Lusine Khachatryan, un concerto dedicado a Luisa Villalta, figura homenaxeada no Día dás Letras Galegas 2024. Khachatryan renderá tributo á filóloga, poeta, dramaturga, profesora e violinista coruñesa nunha actuación cuxo repertorio conterá pezas de Franck, Bagdasarian, Chausson e Ravel.
DOBRE CITA CON NEREYDAS, REFERENCIA EN ESPAÑA NA DIVULGACIÓN PATRIMONIAL
O prolífico director toledano Javier Ulises Illán e Nereydas, grupo instrumental e vogal de referencia en España na divulgación do patrimonio musical historicista, ofrecerán dous concertos: o 10 de agosto na Igrexa de San Francisco de Viveiro (20:30) e o 11 de agosto no Auditorio Municipal Hernán Naval de Ribadeo (20:30). En senllas ocasións, entregarán un programa composto por obras de Haendel e Vivaldi. Esta agrupación innovadora e orixinal desde 2010 presentouse en escenarios tan relevantes como o Teatro Real ou o Festival de Versalles (Francia).
Musica Ficta, un dos grupos españois renovadores na interpretación da música antiga desde 1992, actuará o 14 de agosto na Igrexa de Santiago de Foz (21:00) para interpretar o seu proxecto ‘Columbus: A Porta do Novo Mundo’. Obras virreinales dos séculos XVI e XVII a cargo da formación dirixida polo percusionista Raúl Mallavibarrena, cuxa traxectoria internacional está encomiada por múltiples presenzas en países de Europa, Asia e América.
ACTUARÁ MARTÍN GARCÍA GARCÍA, O MOZO PIANISTA ESPAÑOL MÁS INTERNACIONAL
O pianista Martín García García, unha das figuras máis relevantes a nivel mundial aos seus 27 anos, estará o 15 de agosto na Basílica de San Martiño de Foz (20:30) para mostrar pezas de Chopin, Mompou e Albéniz. O asturiano, que recibiu múltiples recoñecementos como o terceiro lugar na ‘International Chopin Piano Competition 2021’ –cita pianística máis transcendente do planeta-, ofrecerá este ano preto de 70 concertos en América, Asia e Europa tras realizar 80 en 2023.
A soprano Ruth Iniesta, unha das voces máis relevantes da lírica española e recente Premio Talía 2024 á Mellor Intérprete Feminina de Lírica, formará parte do cartel do ‘XI Festival Bal y Gay’ co seu recital do 16 de agosto no Auditorio da Casa da Cultura de Burela (20:30) xunto ao pianista madrileño Javier Carmena. Habitual nos grandes teatros internacionais, a cantante aragonesa expoñerá un repertorio moi español cunha selección de tonadillas e zarzuelas.
A Orquestra Sinfónica do Principado de Asturias (OSPA) visitará o 17 de agosto a Catedral de Mondoñedo (21:00) para interpretar un repertorio con pezas de Coll, Mozart e Dvorák. A OSPA, que celebra o seu 30 aniversario, estará dirixida polo portugués Nuno Coelho, o seu director titular e artístico. Ademais, virá como solista a flautista salmantina Clara Andrada, instrumentista principal de Frankfurt Radio Symphony Orchestra e Chamber Orchestre of Europe.
A soprano kirguisa Katharina Konradi, unha das máis aclamadas nos escenarios internacionais, actuará xunto ao Cuarteto Cosmos, un dos cuartetos de corda máis atractivos do panorama musical actual, o 19 de agosto no Mosteiro de San Salvador de Lourenzá (21:00), nunha esperada proposta escénica con obras de Wolf, Toldrà, Schubert, Sánchez Verdú e Schumann. O Cuarteto Cosmos repetirá presenza no festival o día 20 de agosto no Castillo de Castroduro de Alfoz (20:30) con Webern, Schumann e Britten no seu programa.
O dúo formado por André Cebrián e Pedro Mateo González acudirá o 21 de agosto ao Auditorio da Casa da Cultura de San Cibrao en Cervo (20:30) con obras de Castenuovo-Tedesco, Brouwer, Gasull, Takemitsu e Piazzolla. Cebrián, flautista santiagués solista da Scottish Chamber Orchestra e integrante de Azar Ensemble, e González, guitarrista abulense con dilatada experiencia internacional, iniciaron este proxecto conxunto en 2015.
CLAUSURA COA ORQUESTRA SINFÓNICA DE GALICIA NA CATEDRAL DE MONDOÑEDO
A Orquestra Sinfónica de Galicia, unha das agrupacións sinfónicas máis relevantes de España e marca internacional con seguidores nos cinco continentes mediante a súa canle de Youtube, clausurará o ‘XI Festival Bal y Gay’ o 23 de agosto na Catedral de Mondoñedo (21:00) coa dirección de José Miguel Pérez-Sierra, director musical do Teatro da Zarzuela de Madrid, e a presenza do violonchelista colombiano Santiago Cañón-Valencia. Obras de Groba e Chaikovski para poñer fin a unha nova e atractiva edición do festival.
ALBA RODRÍGUEZ: “NUESTRO PROPÓSITO ES SEGUIR GARANTIZANDO LA EXCELENCIA”
“Estamos muy orgullosos de seguir contando este año con artistas nacionales e internacionales de renombre. Nuestro propósito es seguir garantizando la excelencia y continuar la búsqueda de nuevos espacios para acercar la música clásica de calidad. Además, existe una clara aproximación a Asturias con Martín García García y la OSPA. Queremos agrandar el festival hacia nuestra comunidad autónoma vecina”, afirmou Alba Rodríguez, directora do Festival Bal y Gay. Así mesmo, destacou o proxecto social do festival: “acercar la música clásica a A Mariña e implantarla en los niños empieza a ser una realidad. Con los proyectos ‘Sinfónico no Rural’ y ‘Mariñaencanto’ hemos conseguido hacer partícipes a profesores, padres y alumnos en el mundo de la música”.
QUINTA EDICIÓN DA FUNDACIÓN BANCO SABADELL COMO COLABORADOR PRINCIPAL
A boa xestión do festival foi avalada por entidades privadas e públicas, posibilitando a solidez do proxecto. Mantense por quinto ano consecutivo Fundación Banco Sabadell como colaborador principal. “La Fundación Xesús Bal y Gay forma parte de una red de proyectos culturales que impulsamos desde Fundación Banco Sabadell que nacen con vocación de dinamizar el territorio, acercando programación de calidad, poniendo en valor el patrimonio histórico y arquitectónico y que además dan la oportunidad al talento joven de programar en espacios de excelencia con artistas de gran nivel. Acercando así programaciones de calidad a espacios donde la oferta suele ser escasa”, explicou durante o acto Sonia Mulero, directora de Fundación Banco Sabadell.
APOIO ESENCIAL DA XUNTA DE GALICIA, QUE RENOVA O SEU COMPROMISO CADA ANO
A Xunta de Galicia tamén se converteu nun apoio esencial do festival, renovando cada ano o seu compromiso. Anxo M. Lorenzo, director xeral de Cultura da Xunta de Galicia, felicitou ao Festival Bal y Gay “por su trabajo a favor de la alfabetización cultural a través de la música clásica, al tiempo que los conciertos y las actividades del ciclo permiten conocer espacios singulares del patrimonio cultural y natural de Galicia. Los objetivos del festival están plenamente alineados con la apuesta del Gobierno gallego por fomentar el acceso y la participación de la ciudadanía en la cultura, procurando una oferta cultural diversa y de calidad. También quiero reconocer la apuesta de Bal y Gay por la gran calidad de su programación, que lo convierte en un referente de la música clásica del norte de España, implicando a las administraciones públicas y entidades privadas”.
REFERENCIA EN ESPAÑA POLA SÚA FILOSOFÍA E EVOLUCIÓN DESDE OS INICIOS EN 2014
Uns cursos de clarinete en Nois -parroquia de Foz con menos de 500 habitantes- foron o xerme do ‘Festival Bal y Gay’, actual referente da música clásica en España que converteu á comarca lucense da Mariña en epicentro nacional con concertos de calidade exquisita, equiparables aos de calquera sala internacional, en escenarios únicos para un público que esgota as entradas. A música comparte protagonismo coa historia, o patrimonio, a paisaxe ou a gastronomía da Mariña, destino cultural agora de referencia en Galicia e en España con esta ‘experiencia 360’.
O festival nace en 2014 como iniciativa da Asociación Jesús Bal y Gay, agora Fundación Xesús Bal y Gay, para facer accesible a música clásica a todos os públicos, democratizando e descentralizando a cultura. Un modelo incomparable que permite o contacto entre municipios (Foz, Mondoñedo, Ribadeo, Viveiro, Burela, Cervo, Lourenzá, Barreiros, Alfoz). Ten o máximo respaldo da Deputación Provincial de Lugo, dos concellos participantes e de empresas na zona.