Os concelleiros subliñan que “os responsables do goberno local confían na boa fe da empresa”; pero “non chega coa declaración de boas intencións senón que é necesario traballar para que o propietario da marca sexa o Concello de Vilalba”
Vilalba, 9 de maio de 2024. Os concelleiros populares trasladan a súa preocupación pola situación da marca FIV de Vilalba que “é patrimonio do noso Concello” e piden unha reunión coa área de Cultura que xestiona Vilalba Aberta.
O Grupo Municipal Popular vén de obter resposta por escrito á pregunta que formulara no pleno de xaneiro, unha vez ter coñecemento de que a empresa adxudicataria do contrato para a organización do festival pretendía rexistrar a marca FIV de Vilalba, sobre as accións que tiña previsto levar a cabo o goberno local en relación a este asunto.
O goberno local recoñece na súa resposta á pregunta dos populares que “o Concello de Vilalba firmou un contrato de patrocinio coa empresa I-radia Crea para que se fixera cargo da organización do festival”. E que “recomendados polos asesores da empresa, debido ás peculiaridades deste tipo de contratación, a empresa iniciou a tramitación para rexistrar a marca FIV de Vilalba” e tras advertir desta situación “o goberno local acordou cederlle o uso da marca e/ou imaxe do FESTIVAL INDEPENDENTE DE VILALBA durante o tempo do contrato”.
Os concelleiros subliñan que “os responsables do goberno local confían na boa fe da empresa”, pero “non chega coa declaración de boas intencións. O goberno municipal ten que traballar para que o propietario da marca sexa o Concello de Vilalba”. E advirten que “se unha empresa ten rexistrada a marca FIV podería levar se quixera o festival, por exemplo, a Vigo”, advirten.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
