Os deputados populares mantiveron unha xuntanza cos traballadores do parque comarcal de bombeiros de Barreiros e comprobaron como as eivas e deficiencias denunciadas por eles “non se solucionan pola falta de vontade” da xerencia do Consorcio proposta pola Deputación de Lugo
Barreiros, 24 de maio de 2024. Os deputados populares Antonio Ameijide, Demetrio Salgueiro, Clemente Iglesias e José María Fernández mantiveron unha xuntanza cos bombeiros do parque comarcal de Barreiros para coñecer directamente as necesidades e problemas dos traballadores deste servizo, unha reunión trala cal os populares afirmaron saír “alarmados” polo “absoluto abandono” que sofren por parte da Xerencia do Consorcio.
Durante este encontro, os populares comprobaron como son “numerosas” as deficiencias existentes neste parque, tanto nas instalacións como nos vehículos e elementos de traballo dos bombeiros, o que evidencia “o abandono” aos que os teñen sometidos por parte da Xerencia do Consorcio impulsada pola Deputación de Lugo, a pesar de que contan cun orzamento de 5.803.624,01€ (ao final da nota xúntase un resumo de todas as deficiencias sinaladas polos propios bombeiros).
O voceiro provincial popular, Antonio Ameijide, afirma que son necesarios “maior implicación por parte da Xerencia do Consorcio para resolver os problemas denunciados e mellor xestión dos recursos para dar solución aos mesmos”.
Uns problemas derivados da “mala xestión” realizada por parte dos cargos do Consorcio escollidos pola Deputación de Lugo que se exemplifica en que no pleno celebrado onte aprobouse un suplemento de crédito para o orzamento deste ano de 902.886,63€, é dicir, “cartos que non se empregaron o ano pasado a pesar de que eran moi necesarios para corrixir as deficiencias que presentan os parques, os vehículos, a maquinaria e os propios equipos dos bombeiros”, ao que engadiu que “isto é o mellor exemplo de mala xestión por parte da Xerencia do Consorcio”.
Ameiiide defende a “gran profesionalidade” de todos estes traballadores que “pese a todas as deficiencias de medios” que teñen que sufrir “sempre estiveron ao carón dos veciños cando os necesitaron”. Neste senso, o popular destaca que “están nunha formación constante, dando prioridade ao servizo e a prestar un servizo de calidade, sempre preocupados por minimizar o tempo de reacción”.
O voceiro popular explica que “non se pode entender” que os bombeiros teñan que sufrir todas estas deficiencias cando “son profesionais que xogan as súas vidas para salvar as dos demais” polo que urxe “darlles todos os medios que precisen para facer o seu traballo coas máximas garantías posibles”.
O Grupo Provincial Popular preguntará no pleno as medidas que se tomarán dende o goberno provincial para poñer fin a todos os problemas que aluden os bombeiros así como se estudará a posibilidade de solicitar informes técnicos dos vehículos, dos medios técnicos e do propio parque comarcal.
DEFICIENCIAS DENUNCIADAS
No referente aos vehículos de emerxencias:
Camión autoescada:
Ten un problema de sobrequecemento o que provoca fallos de temperatura. Notificouse o problema en dúas ocasións, antes do verán e o 4 de novembro do 2023. Mentres non se solucione provoca que o desprazamento deste vehículo sexa moi lento para evitar que xurda de novo o problema.
Erros nos sensores de estabilización o que provoca que non se poida subir e empregar a escaleira, fundamental para traballos en rescates en altura e fachadas.
O camión pequeno, tamén chamado bul ou nodriza:
Non ten suficiente potencia. En pendentes ascendentes acada unha velocidade media non superior a 30 ou 40 km/h, mentres que en autovía non chega aos 60km/h supoñendo un risco para a circulación.
En 2023 sacaron a licitación (sen consultar a opinión dos bombeiros do parque) a compra de vehículos con menos cabalos dos que son necesarios para un correcto desempeño do traballo (240 ou 290 cv fronte aos 400 cv de media en España)
En zonas montañosas sería conveniente dispoñer de vehículos de tracción, como unha bomba rural pesada en lugar de nodriza.
No referente aos equipos de traballo e protección:
EPIS
Precisan equipos de respiración autónoma e máscara para rescate de posibles vítimas, sendo idóneas as de categoría 3 ao protexer de risco vital.
O persoal carece de traxes técnicos e, os que hai unicamente son de intervención, algúns deles herdados.
O persoal careceu de traxes de augas ata hai dous meses.
No referente ás instalacións:
As zonas de descanso non se poden empregar os días de chuvia xa que as numerosas goteiras provocan que chova dentro do edificio.
Vestiarios insalubres.
Goteiras e humidades nas cocheras.
Acceso ao parque
Totalmente deteriorado, con zonas con problemas para manobrar.
Tardan 1 minuto e medio en saír á rotonda.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
