O voceiro, Antonio Riveira, é crítico coa tramitación porque “coa aprobación sen consulta previa obriga aos veciños a alegar e presentar recursos para corrixir o inventario co conseguinte gasto e redución de fases de alegacións”
Xermade, 19 de maio de 2024. O PP de Xermade cre que os veciños e veciñas deben ter a maior información e coñecemento posible sobre o inventario de camiños municipais e por iso pide ao goberno local que expoña o documento e os planos polas distintas parroquias e que ofreza información a aqueles veciños e veciñas que desexen presentar alegacións no Concello.
O portavoz popular, Antonio Riveira, explica que “no BOP deste sábado anúnciase que a partir do luns estará en fase de información pública o inventario municipal de camiños do Concello de Xermade, ao que se poderán presentar alegacións durante un período de 30 días hábiles”. O inventario foi aprobado inicialmente no Pleno o pasado luns 13 de maio cos votos a favor do PSOE e en contra dos concelleiros do Partido Popular “por terse tramitado con escasa publicidade e sen consulta pública aos veciños e veciñas”.
Tras unha primeira análise do documento, os populares indican que “se poden apreciar numerosos erros, omisións e, sobre todo, catalogacións como municipais de camiños sobre terreos que poden ser considerados como servidumes. En todo caso, deben ser analizados e debatidos para concluír a súa inclusión con criterios obxectivos e non variables”, indica o portavoz.
Os concelleiros do Grupo Municipal Popular cremos que “o inventario é necesario -e que debe ser presentado e aprobado nun prazo de tempo razoable- porque supón unha seguridade xurídica para os administrados e permite ao Concello unha mellor planificación das actuacións de conservación, defensa e mellora das vías municipais. Pero debe ser realizado de forma participativa, con información e con criterios obxectivos e xustificados para cada trazado”.
Riveira expón que “fomos moi críticos con esta tramitación porque entendemos que “debera ser exposto e amosado aos veciños, por parroquias, antes da súa aprobación inicial, para poder consultar e corrixir erros no documento. Coa aprobación sen consulta previa obriga aos veciños a alegar e presentar recursos para corrixir o inventario co conseguinte gasto e redución de fases de alegacións”, engade.
CONTRATACIÓN SEN PUBLICIDADE
Antonio Riveira lembra que “o equipo de goberno socialista xa presentara un inventario de camiños municipais no ano 2017 que fora aprobado inicialmente cun montón de erros e que, finalmente, foi suspendido pola cantidade de alegacións presentadas”.
Os populares dirixiron as súas críticas por aquel entón e agora tamén advirten de que “este inventario foi encargado directamente, sen sacar a contratación a concurso público, e cun custo de preto de 18.000 euros para as arcas municipais”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
