Os populares tamén advertiron dun desfase de gasto de 1,2M€ con respecto ao presupostado: “seguen aparecendo facturas do 2023 e debido ao descontrol non é de estrañar que sigan aparecendo máis”
Viveiro, 9 de maio de 2024. “A abstención do BNG á proposta da alcaldía para pagar facturas pendentes do ano 2023 evidencia o divorcio entre ambos socios de goberno: PSOE e BNG”, segundo considera a portavoz do Grupo Municipal do Partido Popular, Mariña Gueimunde, que tildou o pleno municipal deste mércores de “inaudito”.
A alcaldesa levaba ao pleno unha proposta de recoñecemento dunha débeda para o pago de facturas do pasado exercicio sen a debida consignación orzamentaria; “pero o grupo da tenencia de alcaldía non apoiou ese pago” explicando que non estaban de acordo co proceder nin cos gastos superfluos do último ano, a pesar de que “o BNG forma parte do goberno dende xuño do 2023”.
Ao respecto, a popular lembra que “parte das facturas pendentes se corresponden coa área do BNG – coma os dous ordenadores para os concelleiros do BNG-, non só coas áreas que xestiona o PSOE a señora María Loureiro”. Ademais, “a comezos do mandato o BNG propoñía contar con 4 dedicacións exclusivas -e o PSOE aceptaba- e incluso a alcaldesa e a tenente de alcaldesa se subiron o soldo”.
Gueimunde incide en que “tanto PSOE como BNG, que son os responsables do actual goberno, teñen que dar contas, responsabilizarse das súas accións, actuar de maneira conxunta e priorizar gastos para reconducir a situación económico do Concello”. O Grupo Municipal Popular, pola súa banda, actúa con responsabilidade: “non podemos apoiar esta forma de xestionar o Concello, pero tampouco podemos negarnos a que os provedores cobren porque son autónomos, responsables de pequenas e medianas empresas que sustentan familias”.
XESTIÓN DOS SERVIZOS
A portavoz popular lembra que “o goberno municipal se salta os procedementos” e así o advirten continuamente os informes de Intervención e Secretaría. Pero, ademais, sinala que “pon en perigo servizos tan necesarios coma o Servizo de Axuda no Fogar (SAF)”.
Ao respecto, os populares puxeron de manifesto no pleno deste mércores “a tremenda irresponsabilidade” que supón o feito de “agardar ata o último día do contrato para propoñer con carácter urxente a prórroga do SAF por tres meses para volver sacar unha nova licitación para a contratación deste servizo”. Así, pregúntanse que houbese pasado se a empresa se negara a realizar o servizo unha rematado o contrato e non aceptase a prórroga. “Non se pode arriscar tanto con estes contratos tratándose de servizos básicos e fundamentais para as familias”, incidiron.
Concretamente, “o goberno municipal agardou ata que caducara o contrato o 30 de abril e convocáronnos tres días despois a unha comisión urxente para tratar o tema”, pero “a día 9 de maio aínda non temos pregos de contratación porque o goberno municipal non fai os deberes”.
DESFASE DE GASTOS DE 1,2M€
Os concelleiros populares tamén advertiron no pleno da xestión económica por parte do goberno bipartito no primeiro trimestre deste 2024: “dende o Grupo Municipal Popular analizamos os datos contables e observamos que seguen aparecendo facturas do ano 2023”. De feito, “a suma das facturas emitidas por provedores ata o 21 de decembro do pasado ano e contabilizadas no ano 2024 ascende a 370.000 euros. E, dado o descontrol demostrado na xestión municipal non é de estrañar que existan compromisos adquiridos por servizos, actividades ou compras do ano pasado que teñen xerado facturas pendentes de rexistrar”.
Os populares advirten que “polos datos que coñecemos a día de hoxe o desfase real de gastos sobre o presupostado é de 1,2M€, un auténtico disparate”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
