Os populares explican que “calquera formación política seria non pode apoiar uns orzamentos así e sobre os que, ademais, os técnicos municipais sinalan graves advertencias”
Burela, 14 de maio de 2024. O Partido Popular de Burela considera que “unha formación política seria non pode apoiar uns orzamentos nos que dispoñendo de máis cartos, se inviste menos nos veciños e veciñas e en acometer obras” e, especialmente, tendo en conta “as graves advertencias por parte de Intervención”.
Nese sentido, os concelleiros do PP de Burela amósanse “sorprendidos polo descaro da señora alcaldesa á hora de mentirlle aos veciños e veciñas” sobre o orzamento municipal para este 2024 aprobado no pleno extraordinario da semana pasada.
Dende o PP de Burela consideran que “o orzamento municipal é unha ferramenta fundamental que calquera goberno serio debería tratar de aprobar para sacar adiante o seu proxecto e poder gobernar un Concello coma Burela”. E, precisamente, os populares lembran que “ata agora estaba en vigor no Concello de Burela o orzamento do 2022” porque “a señora López Moreno adiou a aprobación do primeiro orzamento do seu mandato ata maio do 2024, case un ano despois da súa toma de posesión”.
E, ante as afirmacións da alcaldesa socialista, aclaran que “con máis orzamento – supera os 8,3M€ fronte aos 7,7M€ do anterior que data do 2022- están a facer menos en materia social e de investimento en obras”. Así o demostra a partida dirixida a “familias e entidades sen ánimo de lucro, o gasto neste eido baixou un 20% con respecto ao do ano 2022” e no referente a inversións reais – obras- “baixou case un 40% con respecto ao anterior”.
INFORME TÉCNICO
Os populares tamén amosan a súa preocupación á vista das “gravísimas advertencias” dos informes de Intervención con respecto a determinados usos que pretende facer a alcaldesa con cargo a partidas deste orzamento, “algo que non pasara con ningún dos presupostos do mandato anterior”. É o caso dos 200.000 euros previstos no fondo de continxencia, “algo extraordinario” que supera todos os fondos de continxencia aprobados anteriormente.
Os concelleiros do PP sinalan que “as advertencias son moi claras: Intervención fala de posibles ilegalidades en caso de que a alcaldía finalmente empregue ese diñeiro para o que dixo que os quería empregar”.
MÁIS TRABALLO E MENOS FOTOS
Dende o Grupo Municipal Popular de Burela lembran que “a alcaldesa dixo que na súa condición de deputada provincial ía traballar por Burela dende esta institución. Pero os orzamentos municipais unicamente recollen unha aportación da Deputación de Lugo duns simbólicos 10 euros. Nin sequera reflicten os fondos do Plan Deputación -antes coñecido como Plan Único- que é un plan de reparto equitativo entre tódolos Concellos da provincia posto en marcha grazas ás negociacións do Partido Popular”, apuntan.
Despois de case un ano de mandato, “agardabamos bastante máis deste goberno bipartito en relación ás inversións en Burela”. Nese sentido, reiteran “menos fotos e máis traballo”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
