O restaurante ribadense continúa a súa programación de actividades apostando polo produto galego de calidade
Ribadeo, 7 de maio, 2024. O próximo 10 de maio o restaurante O Oviedo (Ribadeo) retoma a súa programación de actividades e farao da man de dúas dos produtores alimentarios máis recoñecidos e premiados de Galicia.
Baixo o título de ‘Te Vamos a Dar la Lata con Queso’, o equipo do restaurante organizou unha sesión única, con prazas limitadas, que terá lugar ás 20:30 horas. Ese día, contarán con representantes da quesería Airas Moniz (Chantada) e Os Peperetes (Carril) para dirixir unha cata dos seus produtos.
Tanto a pequena conserveira como a quesería lucense forman parte de Xuntos Saborea Galicia, unha asociación de artesáns alimentarios de calidade que busca promover o coñecemento do traballo de pequenos produtores galegos que teñen no coidado da elaboración e das materias primas o seu principal sinal de identidade.
Airas Moniz é a quesería galega -e unha das españolas- máis premiada dos últimos anos. Considerada en varias ocasións como a produtora do mellor queixo de España e recoñecida con diversas medallas de Ouro e Super-Ouro (o recoñecemento aos mellores queixos do mundo) nos World Cheese Awards, considerador os Óscar do mundo quesero, os seus galardóns máis recentes son o Premio Picado á produción artesá e o premio ao mellor queixo azul de España, Savel, que poderá probarse na cata de Ribadeo.
Os Peperetes, pola súa banda, recibiu en decembro de 2023 o premio á mellor conserva do mundo, para as súas navallas ao allo, no principal certame do sector, no que tres das súas elaboracións colocáronse entre as dez mellores do ámbito internacional.
Os asistentes a esta xornada de degustación poderán coñecer os detalles dalgúns dos produtos da man das súas elaboradores e, ademais de catalos, terán a ocasión de compartir con eles reflexións, dúbidas e charla.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
