Ribadeo, 16 de maio de 2024. O Concello pon en marcha o programa Unha escola, un horto en 4 centros de ensino de Ribadeo. A iniciativa foi presentada pola concelleira de Promoción Económica, Marta Saiz.
A edil explicou que “dentro do proxecto de Alimentos con superpoderes, do campo ao cole porase en marcha o programa que denominamos Unha escola, un horto nos centros escolares de Ribadeo que decidiron participar: CEIP Gregorio Sanz, CPR Plurilingüe Sagrado Corazón, CIFP Porta da Auga e Escola Infantil Nosa Señora do Campo”.
Saiz sinalou que “o obxecto deste programa será pór en marcha en cada un dos centros adheridos un horto escolar coa finalidade de que sirva como recurso educativo transversal, é dicir que sexa un recurso de adquisición de valores cooperativos, comprometidos coa conservación, co uso sustentable dos recursos, toma de conciencia acerca da importancia da adquisición de hábitos saudables con produtos de tempada e de proximidade desde idades ben temperás”.
A concelleira de Promoción Económica dixo que “será un programa que se establece con vontade permanencia e de aí que se desenvolva en 2 bloques de actuación, aínda que complementarios. Así nun primeiro bloque dirixido ao profesorado desenvolveranse 3 sesións formativas onde se impartirán contidos coa finalidade de dotalos de ferramentas técnicas sobre a agricultura ecolóxica, calendarios agrícolas ou o deseño do horto. Dentro destas sesións tamén se incorporarán recursos para a orientación do uso dos hortos como recurso pedagóxico e didáctico nas distintas etapas formativas”.
Marta Saiz contou que “ademais este programa Unha escola, un horto buscará a cooperación e colaboración entre os centros para a elaboración de materiais inclusivos como a identificación das diferentes plantas en braille, compartir semente e/ou experiencias coas persoas do sector primario”.
A edil ribadense seguiu a relatar que “o segundo bloque estará enfocado ao acompañamento práctico insitu, é dicir á posta en marcha dos hortos escolares e o seu mantemento e onde tratarán temas relacionados co abonado, elaboración de sementeiras, plantación, rego etc. Estímase se que este segundo bloque se leve a cabo no seguinte curso escolar”.
E engadiu: “así con esta acción o Concello de Ribadeo pretende afondar na sensibilización e educación coa fin de por en valor a agroecoloxía, a alimentación de proximidade, a nutrición e o consumo responsable dende as etapas máis temperás das persoas”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
