O Concello de Viveiro convoca unha reunión coa hostalería para tratar a instalación das terrazas no verán

A reunión terá lugar o vindeiro luns, día 3 de xuño, ás 16:30 da tarde na sala multiusos do Concello

Viveiro, 29 de maio de 2024. O Concello de Viveiro convoca unha reunión co sector hostaleiro para falar de diferentes aspectos arredor da instalación das terrazas no verán.

A reunión terá lugar o vindeiro luns, día 3 de xuño, ás 16:30 da tarde na sala multiusos do Concello. Participarán nela a alcaldesa de Viveiro, María Loureiro, e a concelleira de Comercio, Iria Cotelo.

“Convocamos a todos os establecementos a participar desta reunión e falar deste tema, tan importante para o sector e co que queremos colaborar”, afirma a rexedora.