O Concello de Burela pon en valor a iniciativa “Corazón Solidario” na despedida do curso de bordado

Esta iniciativa xurdiu unha muller de dito curso que superou un cancro de mama, e permitiu doar coxíns terapéuticos artesanais de xeito solidario ao Hospital Público da Mariña

Burela, 20 de maio de 2024. O Goberno Local de Burela asistiu á última xornada do Curso de Bordado 2023/2024, que se desenvolveu dende o 15 de setembro de 2023 ata o pasado 15 de maio coa participación de máis de 50 mulleres.

Nela, a concelleira de Servizos Sociais, Sandra Fernández, quixo poñer en valor a iniciativa Corazón Solidario, “que xurdiu dunha muller de dito curso que superou un cancro de mama e coa que se conseguiu doar ao Hospital Público da Mariña varios coxíns terapéuticos artesanais realizados de xeito altruísta”.

“As telas foron aportadas por participantes do curso e persoas que as mercaron nas tendas da vila, e o Concello aportou as bolsas feitas na Fundación Eu Son, nas que se entregaron os coxíns terapeúticos ao Hospital”, explicou a concelleira.

“Dende o Concello de Burela apoiamos e seguiremos apoiando todas as iniciativas que, como esta, xurden en favor da nosa comunidade”, concluíu Fernández.