Ribadeo, 23 de maio de 2024. O inmoble da antiga Casa de Teléfonos xa é propiedade do Concello de Ribadeo e destinarase á nova comisaría da Policía Local.
O alcalde, Dani Vega, explicou que “o Concello adquire a antiga Casa de Teléfonos como ben público. Este edificio tiña que estar entregado xa no 2021 e estamos no 2024. Cando nosoutros chegamos, apenas hai un ano, a situación estaba paralizada, non había nin obras, é dicir non se estaba concretando o acordado. Era a permuta que tiña acordada o antigo goberno e dende logo nosoutros cremos que foi moi escasa, pero iso foi un proceso de negociación que nada tivo que ver con nós e o que temos facer é que se concrete, cumprir o firmado”.
O rexedor municipal sinalou: “a empresa tiña que entregarnos un edificio rehabilitado e no 2021, pero as obras non existían e tivemos que falar con eles e apuralos para que se concretaran. Agora o edificio está nos bens inventariados do Concello, polo tanto é un edificio de todos e hai que darlle un uso. Nisto tamén pensamos, había distintas posibilidades, pero nosoutros queremos ordenar un sistema administrativo de servizo público con todo no entorno do Concello e do Xulgado de Paz. E agora á antiga Casa de Teléfonos queremos darlle un uso concreto, que é a Policía Local, pensando nos propios axentes, que nestes momentos máis ben están en mazmorras que nun edificio digno, nunha comisaría que preste un servizo. E tamén hai que pensar que as actuais dependencias non cumpren as medidas de accesibilidade polo que unha persoa que ten unha certa discapacidade non pode entrar a facer calquera tipo de trámite na Policía. Polo tanto todo parece indicar que este edificio é o máis conveniente”.
Vega manifestou ademais que “o acordado dentro da permuta xa se fixo e por iso a nosoutros parécenos este acordo escaso porque nos deixa un edificio rehabilitado, si, pero baleiro por completo. E agora debemos darlle contido e polo tanto se queremos facer unha comisaría temos que xestionar o orzamento. En primeiro lugar vamos a redactar un proxecto e a partir de aí xestionar orzamento para que se leve a cabo”.
“Durante este escaso ano non estivemos parados, fixemos todo un labor a partir dunha situación que herdamos, que estaba estancada, e puxémonos a traballar no asunto, falando coa empresa para concretalo dunha vez por todas. Levamos desde o 2021, polo tanto o tempo pasou e parece moi conveniente cerrar estes asuntos. Fixémolo e tamén aparellado pensamos qué uso debemos darlle a este edificio: vai ser a nova comisaría de Policía Local e agora vamos empezar a redactar o proxecto e a xestionar o orzamento necesario para que o Concello non teña que poñelo de fondos propios e outra administración nos axude a facer estas obras”, rematou o alcalde.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
