Ribadeo, 30 de maio de 2024. A historiadora da USC Pilar Cagiao será a pregoeira do IX Ribadeo Indiano. O evento, que foi presentado hoxe na vila ribadense, será promocionado mañá, 31 de maio, en Santiago e o 7 de xuño en Oviedo.
A concelleira de Turismo, Marta Saiz, explicou que “a novena edición do Ribadeo Indiano vai ser presentada este venres, 31 de maio, en Santiago de Compostela, coa asistencia do conselleiro de Cultura, José López Campos, e do secretario xeral de Política Lingüística, Valentín García, así como unha delegación do equipo de goberno municipal e de Acisa. E o 7 de xuño daremos a coñecer este evento no Ayuntamiento de Oviedo”.
A edil sinalou que “as actividades previas ao Ribadeo Indiano arrincarán xa o vindeiro 15 de xuño. Están programadas diferentes visitas guiadas, obradoiros de repostería para o sector hostaleiro e para as familias así como diversas obras teatrais. De todo isto iremos dando conta na páxina web oficial do Ribadeo Indiano”.
Saiz dixo que “desde a organización ao longo dos vindeiros días poñerémonos en contacto co sector hostaleiro para coñecer a oferta gastronómica que teñen previsto ofrecer durante o Ribadeo Indiano”.
A concelleira de Turismo e Comercio manifestou: “e xa podemos adiantar tamén que na sede electrónica do Concello están colgadas as bases para participar no Mercado de Ultramar, que se desenvolverá na rúa San Roque o sábado 13 de xullo. O prazo de inscrición está aberto ata o día 12 de xuño”.
A concelleira de Cultura, Begoña Sanjurjo, contou que “esta edición do Ribadeo Indiano leva como título: Alma de dous mundos e será a historiadora da USC, experta na emigración, Pilar Cagiao, a que pregoe este evento cultural e comece a meternos en ambiente. No pregón actuará o coro Sagrado Corazón interpretando músicas destes dous mundos dos que falamos. Seguindo a liña debuxada pola profesora Cagiao, estarán as conferencias desta edición dedicadas á gastronomía e as cartas de ida e volta entre outros temas”.
A edil ribadense contou que “o sector servizos do noso concello é moi bo, pero imos tentar axudarlles un pouco ás persoas que non atopen onde comer nesa finde. Unha das novidades desta edición será un servizo de catering que servirá menús indianos. Estará situado no Centro Sociocomunitario, a carón do Concello”.
E engadiu: “a música será parte importante do Indiano, coma sempre, con concertos todos os días. O máis esperado é o do domingo que chega de Alén Mar, na voz do dominicano Vicente García, gañador de 3 Latin Grammy no 2017, 2 no 2019 e outro no 2023. Vémonos nas rúas gozando do Ribadeo Indiano”.
A presidenta de Acisa, Carmen Cruzado, comentou que “milleiros de persoas vanse achegar do 12 ao 14 de xullo para gozar do noveno Ribadeo Indiano. A ocupación hoteleira é xa moi alta nestes momentos ao igual que as reservas para xantar e cear eses días na nosa vila. As persoas que aínda non teñan sitio para durmir ou para comer esas xornadas en Ribadeo, que non se demoren… O Ribadeo Indiano enche todos os aloxamentos deste concello, pero tamén os dos municipios próximos tanto da Mariña como do Occidente asturiano”.
E subliñou que “estamos diante da fin de semana mais importante do ano para a hostalaría e de días moi intensos para as costureiras, para as tendas de roupa e de calzado, para as mercerías, para as tintorerías… Falta mes e medio, pero aquí xa hule a Ribadeo Indiano. Comeza a conta atrás”.
No acto de presentación do IX Ribadeo Indiano participaron o alcalde, Dani Vega, as concelleiras de Turismo e Cultura, Marta Saiz e Begoña Sanjurjo, así como a presidenta e o xerente de Acisa, Carmen Cruzado e Jesús Pérez.
Toda a programación das xornadas previas así como o programa do IX Ribadeo Indiano irase colgando na páxina web oficial do evento e nas súas redes sociais.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
