A Mariña, 7 de maio de 2024. Esta pasada fin de semana tivo lugar a novena visita do programa de Xeoturismo da Mancomunidade de Concellos da Mariña lucense, ao abeiro do Plan de Sostibilidade Turística. Nesta ocasión os asistentes estiveron na Frouxeira.
O pasado sábado, día 4 de maio, os participantes visitaron o monte da Frouxeira na que foi a novena saída guiada do programa de Xeoturismo da Mancomunidade da Mariña. Esta visita serviu para coñecer a orixe dos magmas que deron lugar ó macizo granítico da Toxiza e os procesos que levaron á súa intrusión dentro dos materiais paleozoicos do Manto de Mondoñedo. A pesares dunhas condicións meteorolóxicas pouco favorables, os asistentes puideron subir ó pico, observar as pías e outras rechamantes formas de erosión e ollar as impresionantes vistas desde a altura.
En abril tiveron lugar outras dúas actividades guiadas: o sábado 27, á Cova do Rei Cintolo, da man do xeólogo Iván Rodríguez e do espeleólogo do Concello de Mondoñedo. Durante máis de 2 horas de percorrido achégaronse ó espectacular mundo de estalactitas, estalagmitas, columnas e coladas da formación kárstica máis grande de Galicia. E o domingo 28, acompañados por Iván Rodríguez e Boris Vilar, realizouse a xeorruta Unha ollada baixo a alfombra, entre a praia de Esteiro, en Xove, e a Punta de Meitón. Neste itinerario puideron coñecer a diversidade de rochas ígneas que afloran na contorna e observar como a dinámica costeira modela o litoral creando praias, coidais e cantís, rematando de retorno no espectacular campo de dunas da praia de Esteiro.
A presidenta da Mancomunidade, Rocío López, destacou que “estas experiencias ofreceron aos participantes a oportunidade de descubrir a riqueza xeolóxica e natural da zona, profundizando no seu coñecemento sobre os procesos e formacións que moldean a paisaxe da Mariña Lucense. Estas actividades evidencian a importancia de conservar e protexer este valioso patrimonio natural para futuras xeracións, e animan aos visitantes a continuar explorando e aprendendo sobre os tesouros xeolóxicos que a comarca ten para ofrecer”.
Nestas tres últimas actividades realizáronse 51 inscricións e participaron 41 persoas de diversas procedencias como pode ser da propia Mariña e da provincia de Lugo, de Ferrolterra, Santiago de Compostela e Madrid.
O programa de Xeoturismo enmárcase no Plan de Sostibilidade Turística 2022-2024, que está cofinanciado pola Mancomunidade, a Xunta de Galicia e a Secretaría de Estado de Turismo.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
